行番出國際通，左手面就係喺大阪要排大隊至買到嘅Pablo芝士蛋糕店，呢度重有地道紅芋味芝士蛋糕添，但係冇乜人幫趁，搞到我都唔記得左影相。再過一個鋪就係激安之殿堂，又係靜英英！我繼續向縣廳前站的方向走，見有間Blue Seal，嘩，是沖繩名店呀，相等於曼谷的Swensen，咁要試下喇！我要左一杯地道的芋頭味，試啖先！清清地，甜甜地，冇乜芋頭味又冇乜奶味，全杯軟雪糕最好食係個筒，夠脆！呢杯嘢對我呢次行程有好大影響，因為佢令我對沖繩嘅雪糕冇信心，沿途冇再食，冇咁肥！
之後又行下行下，經過一尐旅遊書推介嘅店鋪，睇落唔多開胃，望入去又冇乜人，唯有繼續前行，竟然行到番酒店附近。見四周冇乜燈火，知道已過了遊客區，但係仍然肚餓，於是見有小小燈光嘅就行埋去，大部份都係一尐居酒屋，呢尐反而坐滿人。
 |
| 呢條樓梯都幾大整蠱，飲大左你估唔會碌落嚟咩！ |
點了餃子與聲稱自家制的香腸。
啤酒先到，又是淡淡的味道。忽然聞到好香的味道，原來是pizza，而他們這裡的pizza是夾餅式的，不單聞起來香，見左右各枱都有叫，就知自己走寶，不過我們叫的餃子與肉腸也不失禮，肉腸尤其惹味，雖然肥左少少！很輕鬆的吃了一餐之餘，亦窺探了沖繩人的生活一小角，我見好幾枱都是一班女生跟一個男生一起食飯飲酒。
悠閑的步回酒店，但旋即又要面對煩惱的事，我的電話卡！返到酒店我再把說明書拿出來，按中文指示照做，仍是不得要領，翻去後面看英文版，嘿，原來是翻譯惹的禍！翻譯把查詢資料的link寫成登記的link，英文版就寫得清楚！豈有此理，害我擔心了一個下午！
連手機也搞掂了，今晚可以好好瞓。
 |
| 搞掂張電話卡後，沖繩忽然間美麗起來！ |
沒有留言:
張貼留言