嘉嘉版平民瑞士雞翼

做法:把生抽老抽及打碎了的冰糖煲滾,小心睇火,滾瀉會抹到出年,因為尐汁係短跑能手,一有機會滾瀉就跑到好遠!汁滾後,熄火試味。因就自己的喜好,如有需要可再加糖或生抽。我提議偏甜,而我亦不加太多老抽,味道好、肉質滑的話,不需要整色整水。
以另一個煲放入兩公升水,加薑煲滾。
水滾下雞翼。把冰塊放在塞實了的星盆內。水再滾,熄火並把雞翼撈起放在星盆的冰塊堆內,為雞翼降溫並收緊雞皮毛孔,要快手。
在降溫期間把瑞士汁加熱,滾起即放入雞翼,再滾即刻熄火並移離火爐。
靜待一小時,食得。依足份量及步驟做,永不失敗!
(瑞士汁放涼後,隔去油層,放入冰箱,留待下次用。下次用時,把瑞士汁翻滾,試味,並因應需要加糖或生抽或老抽,再跟其他步驟做便成。)
----------------------------
聽說有一間以瑞士雞翼和懷舊佈置而聞名的咖啡室,乃在周六出發。人不多,門外又有$320車位,很方便。餐廳的佈置確很六十年代,但都是新裝飾,不是舊物件。
食物的選擇很多,尤以下午茶餐最吸引,但要兩點才開始提供!於是我叫了一碟連飲品的咖哩雞扒飯,並加三元轉可樂。當可樂放在檯上時,真的不敢相信,因為凍飲加三元,初時以為是罐庄,朋友說是樽庄,卻未想過是大枝庄,打底加了三十分!當然也點了它的手本名菜 – 瑞士雞翼。
咖哩飯先到,很足料,在工廠區只是好味而不足料是冇得做的,人家真是體力勞動,你好食到曉飛,但頂不到晚餐,下次想幫趁也難!雞扒略煎後的肉仍很嫩,咖哩略甜,勝在易入口,$43的價錢,我滿意。當然別忘了那枝大可樂所帶來的底分。
九蚊一件的瑞士雞翼被阿姐很茶餐廳式的車到面前。顏色對路,味道也不錯,雖然我認為略甜,可惜,有雪味,而肉質亦有點「鞋」。雪味是因為解凍後沒有以薑出水,而「鞋」則應該是翻熱得不用心的後果!可惜,就差這兩步!
吃得街外的瑞士雞翼多,才知道我做的真是平靚正,難怪無心進食的小朋友吃了10件仍不肯收手。
多謝gaga分享~一定有雞味~.~
回覆刪除嘉嘉, 尋閱聽到煮雞翼, 等我試吓你的方法煮, 食完話你知是否OK :-) 我依家不可以在香港時間聽你的節目, 只可以上網! Kat /Vancouver
回覆刪除網上聽住先喇!等我搵日去Vancouver做下替工先 ;-))
刪除好呀! 你來可以比D動力我地! 你應該有十分多fans! 這邊的中文電台五十年不變 :-(
刪除嘻!
回覆刪除嘉嘉,剛買了雞亦來,這邊今天做特价也要CAD3.99/磅,十分昂貴平時捨得買、但睇到你碟雞亦流晒口水……今晚試試你的煮法。Kat/Vancouver
回覆刪除嘩,咁貴,但係大隻尐喎!自己食,落尐本錢都應該!
刪除Gaga, 我已經試了, 好好味, 阿女食到 "lam lam 脷 " 我將D瑞士汁再煮一字骨, 一樣好好味又經濟!
刪除多 謝 哂 嘉嘉!
Good!
刪除Gaga,"我的飲飲食食經驗,都是用真金白銀換回來的".......這些字的顏色,跟週圍環境 "撞色"!
回覆刪除我也有留意到,但其他色好娘!暫時咁先喇!
回覆刪除Gaga,其他啲顏色又唔係男仔,點解會似 "女人型"、"好娘"?
刪除Gaga,您話:"暫時咁先喇"!這句話係對我講?還是對其他的顏色講?
刪除"暫時咁先喇"係指我用果個顏色。
刪除何嘉麗老師,請問 " 好娘 " 點解?係唔係話 "個男仔好似女人型咁" ?請早日解答,多謝。
回覆刪除哈哈,真係娘喔!我唔識解喎,淨係識用!你上網查下喇!
回覆刪除咁女人用唔用得娘咖~我知什麼是娘娘腔同g頭炳~.~
刪除星期二娘炳生日我又生日la..買定蛋糕比自己先~
刪除咖哩飯巧大碟ar~~轉左新顏色光猛晒~祝++天天多like~
回覆刪除