嘉嘉航空，福岡之旅（五）宿一宵

昨天講到，在多牛叫完晚飯，已經是晚上九點，福岡很多地方是收九點的，就算有開門，也不會是我去的地方，於是打道回旅館，試下它的溫泉之餘，也順便洗一個白白淨淨。因為這些平民旅館的套房裡的浴室是一套出的，很省地方但也沒有太多空間供你走動，所以有溫泉就實在太好了。

心中有數，這裡的溫泉不會太大，因為在酒店資料內所提供的相片，那個溫泉只有三個沖身的地方，用這個做比例，也大概知道溫泉的大細。不過既然有就即管試下喇，畢竟浸一浸溫泉，人係會輕鬆尐嘅。

穿著酒店的和服，拿著毛巾就往溫泉那個樓層走，別忘了溫泉密碼，對，福岡的旅館的溫泉的女賓部都要用密碼才可以進入，這密碼還是天天換的呢。不知道是甚麼原因，但相信與治安無關，可能是它沒有人手整天看守著溫泉，所以用密碼才能進去，以免開錯門而引來尷尬！

一進門就是locker和化妝間，地方也不細，把衣服除下後，就推門入溫泉範圍。嘩，真係幾細！沖身的地方除了在照片中見到的三個位之外，傍邊還有兩個，但浴池真的很細，比一般的浴缸大，長方型的剛容得下四個女性排排坐般浸溫泉，但也一動也不能動了！還好，我入去的時候人不算多，有兩個是沖身走人，有一個是剛到沖身，所以我浸溫泉時也只是兩個人。

我想藉這個機會講下浸溫泉的一些禮儀。當你入到溫泉浴室，你首先要除低你對拖鞋，因為人地入面係好乾淨嘅，你踩住對拖鞋入去會整污糟人地個地方，跟住你就要去搵一個冇人用嘅locker，將你嘅隨身衣物除哂放喺locker入面，淨係攞住一條薄薄嘅毛巾好喇。

之後就行出去溫泉嘅沖涼區。果度有哂洗頭水、護髮素同埋沖涼油，請你徹底的幫自己沖涼同埋洗頭，真係要乾淨過自己平日喺屋企沖涼呀，之後就可以落水，至於果條毛巾仔，你可以帶落池，但係唔可以俾佢掂到尐溫泉水，條毛巾係要嚟包住個頭免得尐頭髮掂到尐泉水，亦都可以摺好放在頭頂散熱，但係就一定唔可以掂到尐泉水呀！

我見過有人將尐頭髮垂喺膊頭，好似人地模特兒擺甫士咁，望住尐泉水顧影自憐，傾亦都見過尐人用條毛巾包住自己重要部位，大姐，呢度冇人睇你㗎，你唔好整污糟尐泉水重好喇！亦都見過有人一入溫泉就跳入水，結果俾幾位日本女士投訴。我亦試過咁嘅場面，但係我唔識日文，冇得投訴，我果次只好立即上水，真係唔想同佢番分享佢身體嘅老泥呀！

但到我沖完涼洗埋頭開始去浸溫泉時，便有好幾個人操入嚟，沖身也要排隊，於是我跟自己說，係咁意浸下好嘞，浸得太耐阻住人地浸就唔好喇。但係浸得耐唔耐都唔到我決定，因為佢地一個接住一個咁沖涼，而因為都係日本人嘅關係，都係沖得好乾淨而唔似有尐遊客咁係咁以沖，所以我想上水都唔得，但係個池已經坐咗第三個人入嚟，真係有尐迫，而第四個亦行緊落池，我冇辦法，唔想就咁企喺度等沖身都唔得，於是我行出溫泉，並且向排第一個位女士表示我只係沖一沖身就走，哈，佢明我講乜喎，咁我就叫做浸咗一個短溫泉。時間係短尐，但係之前可以好徹底咁沖涼亦都係好心嘅！

成個人乾淨舒爽咁返上房，又計劃明天嘅行程。