也記不起是從那年那月開始，朋友去完台灣送來的手信，就由牛肉乾、豬肉乾，變成了鳳梨酥。記憶中我是並不太喜歡這改變的，因為我始終認為豬肉乾是最美味的了，特別係厚切豬肉乾！但朋友送的手信，總不可以掉換或折現，更不方便要求人家下一次記得買豬肉乾吧，更何況，豬肉乾也不是間間都做得好，你買那個新字頭的，我不吃也不覺可惜！
咁點解咁多人鍾意送鳳梨酥呢？佢又唔係平過人，又唔係好食過人！原來鳳梨嘅台語發音近似「旺來」，帶有吉利興旺之意，所以就越泥越多人用佢泥這禮！由於我喺收到鳳梨酥之後，從來不動聲息，於是之後就一直收朋友從台灣帶回來的鳳梨酥手信。人家送來的好歹也是一份心意，眼見越收越多，而種類又越來越多，也總不能次次背瘠骨落，食左就算，於是我決定跟鳳梨酥建立感情。
首先，我要對它多點了解。甚麼是鳳梨酥呢？觀其名好容易就聯想到是用菠蘿肉所做的酥餅吧，這個對了一大半，因為這要看出品商用了幾多成的菠蘿肉來做鳳梨酥。嗄，鳳梨酥除了菠蘿肉之外，還有其他內容嗎！有呀，還有冬瓜茸，其實這本來無可厚非，因為鳳梨肉本身略帶酸味，再加上纖維比較多，所以如果都用鳳梨肉製出來的鳳梨酥，味道會過酸及比較鞋口，不夠滑口，但後來人們為了減低成本就把鳳梨肉與冬瓜茸的比例改變，變得越來越多冬瓜茸，咁菠蘿肉就少好多喇，再加上過多的油和糖，於是鳳梨酥就變成了一舊又油又甜的物體，曾經有一段時間收到的鳳梨酥是拿起已一手油，咬落去更是一口油，食完後再看看包著的紙巾，那一個一個的油印，看了真令人以後也不敢吃鳳梨酥。
真是怕了鳳梨酥呢，之後，朋友送來鳳梨酥我也只留一個，其他的立即分派給朋友，以免一個人吃得過胖。
又過了一段時間，朋友說要讓我試試另一款鳳梨酥，叫土鳳梨！我心想，又是甚麼名堂！但人家盛意拳拳，好歹也要吃一口。呀，味道不錯，略帶酸味，但這比一味得個甜字好好多喇，但口感較強，一條條的軟軟酸酸的類似果肉的物體，要咬至可以吞落肚去消化，唔似得以前尐鳳梨酥咁可以入口溶化，但係好在佢又冇乜渣喎！
朋友說這一條條的是貨真價實的鳳梨肉，是一種特別的品種，果肉、紋路、外型同一般鳳梨不同，而且纖維比較粗，酸度及鳳梨的味道也比一般鳳梨好，做法也沒從前的油，而且冇加入冬瓜茸，所以好吃很多。
這個我是同意的。於是間中也會把朋友送來的土鳳梨酥全部收埋自己食。
現在的鳳梨酥改良多了，菠蘿肉與冬瓜茸的比例也改進之外，做法也清啖得多。而且唔一定要食土鳳梨，只要揀啱牌子都好好食。如果你要我推薦，這裡不方便講牌子，但是你上網一查就自然會查出由有品德的製造商所出產的佳品，還有就是在天氣微熱的6-8月，在小山丘上採得的菠蘿所做的鳳梨酥，我覺得就最好吃了！
2014年12月28日 星期日
嘉嘉的為食路上，奶茶
要飲奶茶，而家就真係一件好容易嘅事，隨便行入一間茶餐廳，二十零蚊已經有一杯，矜貴尐，去半島都一百蚊有找。但係喺我好細個嘅時候奶茶真係一件事泥咖，唔好講話茶葉難買而且貴，就連鮮奶都唔平呀，不過有陣時我地食麵包果陣，都想學人地飲番杯奶茶，西化尐吖嘛，咁就全靠我阿媽動腦筋，我地都有奶茶飲，就係普洱加鍊奶嘞。幾好飲咖。可能係用普洱嘅關係，茶色比較深，而加左鍊奶就唔駛問都知，係甜到飛起，不過果陣時都飲得好滋味，因為唔知原來嘅味道，所以都好好飲，更何況其他同學冇試過，咁我又覺得自己好威喇！
記得好細個時屋企嘅早餐係煲飯煮送，因為爸爸食完要返工而我尐家姐哥哥亦要番學。之後，我地幾兄弟姊妹覺得早餐食飯好悶，而媽媽當然亦都乘機唔想煮，咁講下講下，爸爸喺孤掌難鳴嘅形勢下，過左冇幾耐，我地嘅早餐就變左做麵包奶茶，間中加條腸或者火腿芝士咁囉，間中都會掛住碗白果腐竹粥咖，不過日日食就真係頂唔順呀！
曾經奶茶都係我嘅生命食量，當然佢嘅重要性比唔上可樂，但係要番工嘅果段日子，我係冇奶茶唔得咖，我飲奶茶唔駛多，一日一杯唧，但係要一起身就飲，唔係就好唔掂！咁冇奶茶飲會點呢？如果冇飲奶茶，我係會懵下懵下，個人好似完全失去重心咁，唔知要做尐乜好，嚴重起上泥，重會反胃兼作嘔。我試過唔飲，因為有一段時間成日要出差，果陣時又未出果尐即沖紅茶，咁又冇理由帶罐奶周圍去，咁咪諗住用念力話俾自己聽，冇奶茶飲喇，飲水喇，但仍係真係唔得，真係戒唔到喎！
冇奶茶飲嘅身體，係好大脾氣，完全唔俾面我，先係反胃，繼而身輕手軟，頭暈面青，真係完全控制唔到！咁你手軟面青係冇得扮嘅，而我亦出命博殺，唔係果尐扮病偷懶嘅人，所以老闆都冇我乎！試過飲豆漿，你知內地乜嘢豆漿都有，咸嘅、甜嘅、濃嘅、稀嘅、有料無料，乜都有，但係一食即反胃！因為當你反胃嘅時候，係乜嘢都做唔到，而你老闆見到你咁嘅款，係比你更加反胃，但係都冇乎！
好彩後來出左即沖紅茶包，雖然要另外加奶粉同糖，而味道就當然冇茶葉加奶同糖咁好飲，但至少頂得住，而且真係方便好多。咁當然後尾出埋三合一，雖然味道仍然同沖茶葉差好遠，但係佢夠方便，一包搞掂就真係功德無限喇！
但係我而家已經冇需要咁飲法囉喎，戒左？又唔算，因為我平日係會飲嘅，只係唔需要俾佢控制住唧！咁個改變係點樣泥嘅呢？話說我番晨光之後，菲籍家務助理幫我天天預備奶茶一壺，等我可以攞番電台飲，咁有一日佢要放假番鄉下，咁我當時都諗，嘩，要再早尐起身煲茶至得喇，但係我前一晚訓覺，唔記得較早尐個鬧鐘，結果梗係冇時間煲喇！
咁番到電台又已經要開始好緊揍嘅工作，咁都冇時間俾我作暈作嘔！就係咁，我就脫離左奶茶嘅魔掌喇，做晨光有尐乜嘢得著，暫時未知，但係就真係幫我擺脫左奶茶嘅操縱！
記得好細個時屋企嘅早餐係煲飯煮送，因為爸爸食完要返工而我尐家姐哥哥亦要番學。之後，我地幾兄弟姊妹覺得早餐食飯好悶，而媽媽當然亦都乘機唔想煮，咁講下講下，爸爸喺孤掌難鳴嘅形勢下，過左冇幾耐，我地嘅早餐就變左做麵包奶茶，間中加條腸或者火腿芝士咁囉，間中都會掛住碗白果腐竹粥咖，不過日日食就真係頂唔順呀！
曾經奶茶都係我嘅生命食量，當然佢嘅重要性比唔上可樂，但係要番工嘅果段日子，我係冇奶茶唔得咖，我飲奶茶唔駛多，一日一杯唧，但係要一起身就飲，唔係就好唔掂！咁冇奶茶飲會點呢？如果冇飲奶茶，我係會懵下懵下，個人好似完全失去重心咁，唔知要做尐乜好，嚴重起上泥，重會反胃兼作嘔。我試過唔飲，因為有一段時間成日要出差，果陣時又未出果尐即沖紅茶，咁又冇理由帶罐奶周圍去，咁咪諗住用念力話俾自己聽，冇奶茶飲喇，飲水喇，但仍係真係唔得，真係戒唔到喎！
冇奶茶飲嘅身體，係好大脾氣，完全唔俾面我，先係反胃，繼而身輕手軟，頭暈面青，真係完全控制唔到！咁你手軟面青係冇得扮嘅，而我亦出命博殺，唔係果尐扮病偷懶嘅人，所以老闆都冇我乎！試過飲豆漿，你知內地乜嘢豆漿都有，咸嘅、甜嘅、濃嘅、稀嘅、有料無料，乜都有，但係一食即反胃！因為當你反胃嘅時候，係乜嘢都做唔到，而你老闆見到你咁嘅款，係比你更加反胃，但係都冇乎！
好彩後來出左即沖紅茶包，雖然要另外加奶粉同糖，而味道就當然冇茶葉加奶同糖咁好飲，但至少頂得住，而且真係方便好多。咁當然後尾出埋三合一，雖然味道仍然同沖茶葉差好遠，但係佢夠方便，一包搞掂就真係功德無限喇！
但係我而家已經冇需要咁飲法囉喎，戒左？又唔算，因為我平日係會飲嘅，只係唔需要俾佢控制住唧！咁個改變係點樣泥嘅呢？話說我番晨光之後，菲籍家務助理幫我天天預備奶茶一壺，等我可以攞番電台飲，咁有一日佢要放假番鄉下，咁我當時都諗，嘩，要再早尐起身煲茶至得喇，但係我前一晚訓覺，唔記得較早尐個鬧鐘，結果梗係冇時間煲喇！
咁番到電台又已經要開始好緊揍嘅工作，咁都冇時間俾我作暈作嘔！就係咁，我就脫離左奶茶嘅魔掌喇，做晨光有尐乜嘢得著，暫時未知，但係就真係幫我擺脫左奶茶嘅操縱！
2014年12月12日 星期五
嘉嘉的為食路上，可樂
如果你話我嘅血液之中，有一半成份係可樂，真係一尐都不為過。都唔記得幾時開始飲可樂，總之，記得喺小學嘅小食部果時，當同學係用緊牛奶券日日換牛奶飲時，我已經一個星期可以飲一枝可樂。當然我都好羨慕果尐有錢日日飲牛奶嘅同學，但係我爸爸只係普通打工仔一名，一個人養大我地六兄弟姊妹重個個堅持要中學後繼續讀上去，都幾難捱，所以真係要讀講聲多謝！
講番可樂先，日日飲牛奶除左可以滿足虛榮心之外，實在唔係我果杯茶，反而自己儲零用錢飲可樂，我覺得比較有型，同埋似個大人，係咁咖喇，小學雞重唔扮大人唔通而家扮咩！果時學校賣嘅係細支庄，好新鮮，好夠氣，上完體育堂飲一支落去，真係好鋸！而且唔知果時係尐配方唔同定係因為年紀細，飲完之後，個腦好似俾佢那一那咁，有小小興奮，呢個感覺係而家飲可樂時已經冇咖喇！
之後我就係咁一直飲可樂，但係都係飲得比較疏，因為冇錢呀。直至我出泥做嘢，即係喺港台返工喇，我就有能力隨時飲嘞！果時真係幾癲，一日可以飲成三四罐，一早起身要飲喇，做節目又一定有一罐喺身邊喇，之後食晏同食晚飯亦一定有可樂，總之我果時乜都唔飲，一定只飲可樂，有時錄音錄到𢛴，同事見我不在狀態，都會買罐可樂泥紓援下我個情緒。可想而知呢個飲品對我幾咁重要！
飲可樂如果可以我係會揀樽裝泥飲嘅，因為真係新鮮尐同好味尐。話說有一次，我地一大班朋友上廣州食飯，果時重未知一滴香、地溝油呢尐名菜，都去得好密下。點完一輪菜之後，我梗係叫罐可樂，點知朋友順口問有冇枝裝，佢話有喎，嘩，大家不知幾咁興奮，連平日唔飲可能嘅朋友都叫一枝泥鋸下先。轉個頭，阿姐就送來十枝可樂，不過睇到我地大家眼都突埋，因為呢枝可樂係一公升枝裝！
不過後尾我都覺得我飲得太多喇，而朋友又嚇我話，你咁飲法，好似人地上癮咁，戒唔甩你就死！係？咁大件事？咁我又試下唔飲得唔得先！又冇事喎，都冇好似尐人上左癮人咁典床典𥱊，咁即係可以繼續飲喇！
點知一嚇未完一嚇又起！又有人話，你有冇睇網上有條片呀，佢地將副假牙放入杯可樂入面，過左半日可樂連假牙都𢲡爛，你飲咁多落去，唔單止爛牙，腸都𢲡穿呀！唉，呢個呢，要泥呃下尐小朋友就或者得嘅，第一我未睇過條片，第二我都唔識人睇過條片，不過點都好，如果可樂真係會𢲡穿條腸，我條腸都應該一早穿左，而全世界亦一定有好多人條腸俾佢𢲡穿左，外國尐人咁鍾意打官司，重唔成機告到佢飛起咩。
另外，就算真係有個咁嘅實際，佢係將隻牙放喺一杯可樂入面一段長時間，如果話可樂會𢲡爛牙，咁都係我要含住好大嘅一啖可樂一段長時間至會有作用，不過要長時間咁樣含住咁大啖可樂，都應該要去睇牙醫，因為個牙較應該出左事嘞！
飲品姐，駛乜咁認真！不過宣傳呢款飲品嘅廣告公司就好認真，話說有一年佢地搵我錄廣告，果句口號前後加埋得六個字，其中四個重係牌子名，但係我就一錄錄左百幾take，真係老貓燒鬚，我平日真係五take起十take止！最後，我真係再變唔出乜嘢花樣，我同廣告公司講，我謝哂喇，正話錄果尐有啱就用喇，冇我就唔收錢喇。後來佢地都有用到我把聲，而我自我檢討結論係當日佢地冇俾可樂我飲，所以搞成咁囉！
講番可樂先，日日飲牛奶除左可以滿足虛榮心之外，實在唔係我果杯茶，反而自己儲零用錢飲可樂，我覺得比較有型，同埋似個大人，係咁咖喇，小學雞重唔扮大人唔通而家扮咩！果時學校賣嘅係細支庄，好新鮮，好夠氣，上完體育堂飲一支落去，真係好鋸！而且唔知果時係尐配方唔同定係因為年紀細，飲完之後，個腦好似俾佢那一那咁，有小小興奮，呢個感覺係而家飲可樂時已經冇咖喇！
之後我就係咁一直飲可樂，但係都係飲得比較疏，因為冇錢呀。直至我出泥做嘢，即係喺港台返工喇，我就有能力隨時飲嘞！果時真係幾癲，一日可以飲成三四罐，一早起身要飲喇，做節目又一定有一罐喺身邊喇，之後食晏同食晚飯亦一定有可樂，總之我果時乜都唔飲，一定只飲可樂，有時錄音錄到𢛴，同事見我不在狀態，都會買罐可樂泥紓援下我個情緒。可想而知呢個飲品對我幾咁重要！
飲可樂如果可以我係會揀樽裝泥飲嘅，因為真係新鮮尐同好味尐。話說有一次，我地一大班朋友上廣州食飯，果時重未知一滴香、地溝油呢尐名菜，都去得好密下。點完一輪菜之後，我梗係叫罐可樂，點知朋友順口問有冇枝裝，佢話有喎，嘩，大家不知幾咁興奮，連平日唔飲可能嘅朋友都叫一枝泥鋸下先。轉個頭，阿姐就送來十枝可樂，不過睇到我地大家眼都突埋，因為呢枝可樂係一公升枝裝！
不過後尾我都覺得我飲得太多喇，而朋友又嚇我話，你咁飲法，好似人地上癮咁，戒唔甩你就死！係？咁大件事？咁我又試下唔飲得唔得先！又冇事喎，都冇好似尐人上左癮人咁典床典𥱊，咁即係可以繼續飲喇！
點知一嚇未完一嚇又起！又有人話，你有冇睇網上有條片呀，佢地將副假牙放入杯可樂入面，過左半日可樂連假牙都𢲡爛，你飲咁多落去，唔單止爛牙，腸都𢲡穿呀！唉，呢個呢，要泥呃下尐小朋友就或者得嘅，第一我未睇過條片，第二我都唔識人睇過條片，不過點都好，如果可樂真係會𢲡穿條腸，我條腸都應該一早穿左，而全世界亦一定有好多人條腸俾佢𢲡穿左，外國尐人咁鍾意打官司，重唔成機告到佢飛起咩。
另外，就算真係有個咁嘅實際，佢係將隻牙放喺一杯可樂入面一段長時間，如果話可樂會𢲡爛牙，咁都係我要含住好大嘅一啖可樂一段長時間至會有作用，不過要長時間咁樣含住咁大啖可樂，都應該要去睇牙醫，因為個牙較應該出左事嘞！
飲品姐，駛乜咁認真！不過宣傳呢款飲品嘅廣告公司就好認真，話說有一年佢地搵我錄廣告，果句口號前後加埋得六個字，其中四個重係牌子名，但係我就一錄錄左百幾take，真係老貓燒鬚，我平日真係五take起十take止！最後，我真係再變唔出乜嘢花樣，我同廣告公司講，我謝哂喇，正話錄果尐有啱就用喇，冇我就唔收錢喇。後來佢地都有用到我把聲，而我自我檢討結論係當日佢地冇俾可樂我飲，所以搞成咁囉！
2014年12月5日 星期五
嘉嘉的為食路上，聖誕蛋糕的回憶
我少年時所認識的聖誕蛋糕，從來都是像麵包，但中間又加有提子，味道甜甜，而質地略乾，並且是在意大利製造，專程運到，就像現在於李嘉堂賣的那種。價錢並不便宜，但一年一次，也算是應下節咁喇。
後來我去左中環工作，有一次食晏嘅時候行左上去士丹頓街果頭，經過一間西餐廳，見佢個蛋糕櫃面放有一個好骨子嘅托盤，上面用玻璃罩妗住，入面放左幾件蛋糕物體，黑蒙蒙、細細件丁方兩吋，睇下個價錢竟然係六十蚊一件！我講緊係十幾年前喎，乜咁巴閉呢，於是行埋少少去睇下，見個蛋糕上面重有尐提子同車厘子呀咁！正想問下詳情，點知個待應眼尾都冇望下我，就走番入鋪頭。咁我又冇理由追住佢去買嘢，何況我都未必買！咁我咁啱第二日又係去果頭晚飯，我又心思思想去睇下，點知今次個玻璃罩入面係空嘅，問個待應，佢話呢款蛋糕三點前多數賣哂！咁巴閉！
之後我都轉左工，又過左成年，有一次我同個朋友去行山，終點就喺佢屋企附近，於是就去佢屋企飲杯咖啡至出城番屋企。佢太太好熱情，問我地肚唔肚餓，佢有尐蛋糕熱一熱佢就食得，其實行完幾個鐘頭，都真係有尐餓，咁我就老實不客氣咁話好呀！
喺佢入去熱番尐蛋糕時，佢老公話尐蛋糕係佢老婆外家焗，嘩，啱哂我喇，我最鍾意食自家製食物，不過佢未講完，佢話佢外家喺澳洲，呢個蛋糕係由悉尼寄過尼！嗄，咁你唔早尐講，我心諗，早講我死人都唔話肚餓喇！你唔好話我冇義氣，一個蛋糕，由悉尼寄過尼，你話駛唔駛一個星期呢？再加上焗好之後至去寄，又一日，佢兩個都要番工，包裹一定要去郵局攞，咁佢去郵局收郵包又唔知幾多日，個蛋糕點重食得呢！
但係喺我內心𢛴哂嘅同時，我聞到一陣好甜好甜嘅味，隨之而來係焗蛋糕嘅味，咦，好香喎，唔通就係果個來自澳洲外家的千年蛋糕！如果係又真係博左條命都要試下喎！
件蛋糕一放喺我面前，我就認得，佢就係我喺士丹頓街見到果件蛋糕嘅親戚！一樣係咁黑黑實實，一樣係咁多提子同車厘子，分別就係上次佢俾個玻璃罩妗實，我聞唔到尐甜味而今次佢番熱左，個甜味就更加突出嘞！我一啖咬落去，嘩，好甜，甜到牙都痺埋，不過，真係好食，再一邊飲冇落糖嘅藍山咖啡，真係苦中有甜，人生，如果係咁，都唔錯，苦中有甜。
你可能會問，咁件蛋糕冇壞咩，十幾日喎！冇，咁甜而密度咁高蛋糕，冇咁易壞嘅！
咁我當然會順口問下點整喇，點知佢老婆話唔識，但係可以問佢娘家，咁之後就冇左下聞。我都試過去中環搵番十幾年前果間鋪頭，可惜，執左喇！佢當日夠膽收咁貴又咁好賣，應該好好食，真係可惜！直至我買左英國才女美廚神Nigella Lawson本cookbook，揭下揭下，俾我揭到Christmas cake呢個食譜，但係只有材料粉量同做法，就冇相，咁我睇左一輪佢個食譜，憑經驗我知道應該係咁上下，於是我即刻買材料去試。
第一次做有少少失手，因為唔係好明白慢焗嘅道理，人地叫我150度焗兩個至兩個半小時，我自把自為，以自己焗蛋糕嘅經驗改做180度一個小時，結果個蛋糕好乾！之後我再依足做法整一次，就已經完全掌握到，正如我所講，焗聖誕蛋糕一尐都唔難，跟足步驟就得，難就難在搵齊材料同焗好之後摳佢三幾個星期，有得睇冇得食果種祈待唧！http://hokarlai.blogspot.hk/2013/11/2013.html
而家開工重泥得切，食自家製嘅聖誕蛋糕真係好味尐咖！
後來我去左中環工作，有一次食晏嘅時候行左上去士丹頓街果頭，經過一間西餐廳，見佢個蛋糕櫃面放有一個好骨子嘅托盤，上面用玻璃罩妗住，入面放左幾件蛋糕物體，黑蒙蒙、細細件丁方兩吋，睇下個價錢竟然係六十蚊一件！我講緊係十幾年前喎，乜咁巴閉呢，於是行埋少少去睇下，見個蛋糕上面重有尐提子同車厘子呀咁！正想問下詳情，點知個待應眼尾都冇望下我，就走番入鋪頭。咁我又冇理由追住佢去買嘢，何況我都未必買！咁我咁啱第二日又係去果頭晚飯，我又心思思想去睇下，點知今次個玻璃罩入面係空嘅，問個待應，佢話呢款蛋糕三點前多數賣哂！咁巴閉！
之後我都轉左工，又過左成年，有一次我同個朋友去行山，終點就喺佢屋企附近，於是就去佢屋企飲杯咖啡至出城番屋企。佢太太好熱情，問我地肚唔肚餓，佢有尐蛋糕熱一熱佢就食得，其實行完幾個鐘頭，都真係有尐餓，咁我就老實不客氣咁話好呀！
喺佢入去熱番尐蛋糕時，佢老公話尐蛋糕係佢老婆外家焗，嘩，啱哂我喇，我最鍾意食自家製食物，不過佢未講完，佢話佢外家喺澳洲，呢個蛋糕係由悉尼寄過尼！嗄，咁你唔早尐講，我心諗，早講我死人都唔話肚餓喇！你唔好話我冇義氣，一個蛋糕，由悉尼寄過尼，你話駛唔駛一個星期呢？再加上焗好之後至去寄，又一日，佢兩個都要番工，包裹一定要去郵局攞，咁佢去郵局收郵包又唔知幾多日，個蛋糕點重食得呢！
但係喺我內心𢛴哂嘅同時，我聞到一陣好甜好甜嘅味，隨之而來係焗蛋糕嘅味，咦，好香喎，唔通就係果個來自澳洲外家的千年蛋糕！如果係又真係博左條命都要試下喎！
件蛋糕一放喺我面前，我就認得，佢就係我喺士丹頓街見到果件蛋糕嘅親戚！一樣係咁黑黑實實，一樣係咁多提子同車厘子，分別就係上次佢俾個玻璃罩妗實，我聞唔到尐甜味而今次佢番熱左，個甜味就更加突出嘞！我一啖咬落去，嘩，好甜，甜到牙都痺埋，不過，真係好食，再一邊飲冇落糖嘅藍山咖啡，真係苦中有甜，人生，如果係咁，都唔錯，苦中有甜。
你可能會問，咁件蛋糕冇壞咩，十幾日喎！冇，咁甜而密度咁高蛋糕，冇咁易壞嘅！
咁我當然會順口問下點整喇，點知佢老婆話唔識，但係可以問佢娘家，咁之後就冇左下聞。我都試過去中環搵番十幾年前果間鋪頭，可惜，執左喇！佢當日夠膽收咁貴又咁好賣，應該好好食，真係可惜！直至我買左英國才女美廚神Nigella Lawson本cookbook，揭下揭下，俾我揭到Christmas cake呢個食譜，但係只有材料粉量同做法，就冇相，咁我睇左一輪佢個食譜，憑經驗我知道應該係咁上下，於是我即刻買材料去試。
第一次做有少少失手，因為唔係好明白慢焗嘅道理，人地叫我150度焗兩個至兩個半小時，我自把自為，以自己焗蛋糕嘅經驗改做180度一個小時，結果個蛋糕好乾！之後我再依足做法整一次，就已經完全掌握到，正如我所講，焗聖誕蛋糕一尐都唔難，跟足步驟就得，難就難在搵齊材料同焗好之後摳佢三幾個星期，有得睇冇得食果種祈待唧！http://hokarlai.blogspot.hk/2013/11/2013.html
而家開工重泥得切，食自家製嘅聖誕蛋糕真係好味尐咖！
2014年12月1日 星期一
嘉嘉的為食路上，出前一丁
今集購丁麵。係香港人都知丁麵係一個牌子，而唔係用微波爐叮熱個麵咁解！而其實講丁麵真係打死，因為作為一個香港成年人，又有邊個唔識煮丁麵，又或者冇自己嘅一套西丁麵心得呀！講丁麵？真係講呢尐！
我食丁麵嘅經驗自然唔少，細個嘅時候，考試成績好，即係中英數冇肥佬，至有得食丁麵，係就係cheap尐，但果陣時係唔俾食咁多丁麵，因為佢唔單止被稱為冇益食品，重曾經一度流傳，話呢隻麵係膠做嘅，食得多，身體會積存好多膠質，會塞住尐腸，之後就會死咖喇！不過都食左咁多十年，又都未聽過人因為身體內有太多膠而死，咁我諗呢方面嘅顧慮應該可以取消！
食左咁多年丁麵，我一直嘅煮法都係煲一煲水，水滾落麵去，然後等到麵煮好就落埋包味精，之後熄火就搞掂！但係近來至知道原來我呢個煮法係錯嘅！原來煮麵嘅部份冇問題，但係味精粉係要先倒落個碗度，然後等個麵煮好，先倒尐煮麵水去開味精粉，到尐粉溶哂至倒埋尐麵落個碗度！我點知呢個係最正確做法？個包庄紙係咁寫咖嘛，而且重有人講，如果包味精粉放入滾水內，高溫會產生不良物質添，唉，都又唔知邊句真囉！
不過我而家食丁麵係會煲兩鍋水，煮好麵之後，將味精粉放入另一鍋內，再加埋尐麵入去，咁樣，至少個湯清尐，感覺上好似食少左好多不健康物質咁！當然你會話咁驚就唔好食喇，但係又真係唔得喎，因為佢係我嘅comfort food，當工作困擾，身心疲倦之時，一碗充滿麻油香嘅丁麵，真係可以令人心情為之一振，如果再加一枝可樂真係可以令我心情輕鬆番哂。
其實丁麵一向最殺食就係果包麻油，咁多年似乎都係靠包麻油食糊，除此以外都冇乜點改變味道，可能中間有試過一尐新口味嘅，但係應該唔係幾成功，所以我地都唔多知佢以前出過尐乜嘢味！但係近年就唔同，出左好多味，而呢尐新口味又真係配制得幾好添。我唔係得把口咖，我真係走去買哂咁多款泥逐一試味至寫咖！
其中我最讚賞就係東京醬油豬骨湯麵，湯底香濃，飲完一啖之後，係唔可以收手，明知係人做味精湯，你都係會追住泥飲嘅！另外咖哩湯亦都做得非常好味，不太辣但吃完之後，會有一種內心發熱的感覺，與吃完咖哩之後泛起嘅溫暖感覺好相似。我知道有人喜歡吃黑蒜油豬骨湯麵，但我覺得那幾滴黑蒜油在那碗麵上游下游下咁，賣相不佳，而且湯底亦沒有甚麼特色，可能與我口味不對，所以我並不欣賞！
當然這些新口味中，要數我最喜歡的，就一定是香辣麻油味了。其實以前有時為左配合自己口味，我都會加尐辣椒仔去碗丁麵度幫助刺激味蕾。而家佢有辣味，而且辣得泥都幾惹味果種，唔係死辣，所以真係非常之原美。
不過自從有左呢款辣味之後，再食番原庄口味，就好似真係冇咁吸引，連麻油味都好似冇之前咁惹味咁！不過係咁咖喇，我地生活喺呢個物質之都，不斷俾新事物刺激，無論視覺、聽覺、味覺，都好容易番唔到轉頭！所以得閒真係要去親近大自然，尋找番視覺、聽覺、味覺嘅原汁原味，如果唔係只識得抱住比真像濃郁嘅仿製感覺，就真係太可悲喇！
2014年11月21日 星期五
嘉嘉的為食路上，食遠飯
有一段時間好鍾意食遠飯，唔好誤會，我呢個遠飯，係遠近果個遠，而唔係軟硬果個軟！喺香港，叫得做遠飯嘅地方，都不外乎係淺水灣、石澳，又或者西貢、大埔打後果尐區域。咁既然係早期，就一定係同過關去深圳果類無關，而我之所以咁鍾意食遠飯，就一定係拜我個車牌所賜。
喺電台番工冇幾耐，我就考到車牌，我地果陣時冇乜大志，二十幾歲人冇諗過買樓，而坦白講，我地果陣時覺得話俾人聽買樓係一件好唔型嘅事，係老餅兼老土嘅行為，我地果時有錢係會去買車同換車，覺得咁至係無負青春。
所以我當時考到牌第一件事，係將拍戲得番泥果五萬蚊囉左去買一部一手嘅日本車。而咁橋，我地有幾個朋友都一齊咁上下時間考到車牌，於是就成日拉大隊去食遠飯。不過唔好誤會，我地唔係鍊車，我地只係想喳車啫。
果時我地最鍾意去石澳果間黑色嘅羊仔，一來夠遠，可以喳車喳個夠本，二來佢尐嘢真係好食，而家寫下寫下，又有尐掛住佢個pavlova。雖然價錢唔平，一餐飯又飲酒又汽油，一晚可以使成千蚊，之後重可能再去飲嘢，但係果時我地個個都覺得自己係up and coming果個，個個都搵到，覺得前面個世界係自己嘅，而且不過係自己俾番自己果份，所以錢使得幾疏爽。而家諗番轉頭，都覺得真係幾豪！
之後點解冇乜食軟飯？一來年紀大左，有尐成家立室，有尐男女分手，有尐發展方向唔同就各散東西，而另外一個最重要嘅原因，咪就係因為吹波仔囉！雖然話飲兩左杯去吹，都應該唔會超標，但係點知尐食物會唔會用酒煮呀，一個唔覺意，點左個紅酒燴牛膝，再飲兩杯又咁橋吹中左，咪好唔抵！於是大家就開始少左食遠飯，而據我所知，好多果頭嘅鋪頭，以前逢星期五、六都有搞beach party，但係吹波仔之後就完全息微，有尐甚至執笠添！
遠飯係食少左，但係喜歡食遠飯呢樣嘢係永遠唔會變嘅！我而家間唔中都會開架車去西貢，唔係食海鮮或者甜品，而係食下午茶，而家真係冇乜心情去西貢食海鮮，又貴又迫，真有尐透不過氣來，但去食下午茶就唔同，遊客相對較少，而小店依然保持果種認真而論盡的風味，手腳係慢尐，但你見佢地論論盡盡又唔係好識遷就客人果個樣，就真係食得我好開心，我真係零願你落多尐心機喺食物上，都唔想你係咁擴大泥做，結果淪為快餐店呀！
而另外我都鍾意去大尾篤果邊食晚飯，一來果度有間西餐廳叫做Luca尐食物做得幾好，材料亦都新鮮，各款食物都很有水準，而不可不吃的一定是甜品雪糕杏仁條。一個人可以食四條！
其實早好幾年我都成日去呢個地方，但係近年因為佢隔離起緊村屋，令到本來開揚空擴嘅地方變得焗促同沙塵滾滾，日頭真係唔敢去呀，容乜易碟碟都係風沙骨，但係夜晚尤其是而家呢尐日子去就最啱！
趁住秋未初冬嘅季節，坐在戶外。一邊仰望牽牛織女星，一邊細啖美食，感覺悠閑，雖然都係唔可以飲紅酒，但係如果餐廳可以播番尐爵士樂就好似財爺話齋，都算係幾中產咖喇。咁食完飯之後，如果有時間，重可以一直向船灣淡水湖主壩走，由停車場起計，來回不用二十分鐘，而我就通常會上到去行一段路，再瞓喺壩上仰望星空。
畢業後，你有幾耐冇仰望過星空喇！你有幾耐冇面對過個天呀！當年嘅浪漫情懷剩番幾多？當日改變世界嘅理想又去左邊？(昨夜的渡輪上)
喺電台番工冇幾耐，我就考到車牌，我地果陣時冇乜大志，二十幾歲人冇諗過買樓，而坦白講，我地果陣時覺得話俾人聽買樓係一件好唔型嘅事，係老餅兼老土嘅行為，我地果時有錢係會去買車同換車，覺得咁至係無負青春。
所以我當時考到牌第一件事，係將拍戲得番泥果五萬蚊囉左去買一部一手嘅日本車。而咁橋，我地有幾個朋友都一齊咁上下時間考到車牌，於是就成日拉大隊去食遠飯。不過唔好誤會，我地唔係鍊車，我地只係想喳車啫。
果時我地最鍾意去石澳果間黑色嘅羊仔，一來夠遠，可以喳車喳個夠本，二來佢尐嘢真係好食，而家寫下寫下，又有尐掛住佢個pavlova。雖然價錢唔平，一餐飯又飲酒又汽油，一晚可以使成千蚊，之後重可能再去飲嘢，但係果時我地個個都覺得自己係up and coming果個，個個都搵到，覺得前面個世界係自己嘅，而且不過係自己俾番自己果份，所以錢使得幾疏爽。而家諗番轉頭，都覺得真係幾豪！
之後點解冇乜食軟飯？一來年紀大左，有尐成家立室，有尐男女分手，有尐發展方向唔同就各散東西，而另外一個最重要嘅原因，咪就係因為吹波仔囉！雖然話飲兩左杯去吹，都應該唔會超標，但係點知尐食物會唔會用酒煮呀，一個唔覺意，點左個紅酒燴牛膝，再飲兩杯又咁橋吹中左，咪好唔抵！於是大家就開始少左食遠飯，而據我所知，好多果頭嘅鋪頭，以前逢星期五、六都有搞beach party，但係吹波仔之後就完全息微，有尐甚至執笠添！
遠飯係食少左，但係喜歡食遠飯呢樣嘢係永遠唔會變嘅！我而家間唔中都會開架車去西貢，唔係食海鮮或者甜品，而係食下午茶，而家真係冇乜心情去西貢食海鮮，又貴又迫，真有尐透不過氣來，但去食下午茶就唔同，遊客相對較少，而小店依然保持果種認真而論盡的風味，手腳係慢尐，但你見佢地論論盡盡又唔係好識遷就客人果個樣，就真係食得我好開心，我真係零願你落多尐心機喺食物上，都唔想你係咁擴大泥做，結果淪為快餐店呀！
而另外我都鍾意去大尾篤果邊食晚飯，一來果度有間西餐廳叫做Luca尐食物做得幾好，材料亦都新鮮，各款食物都很有水準，而不可不吃的一定是甜品雪糕杏仁條。一個人可以食四條！
其實早好幾年我都成日去呢個地方，但係近年因為佢隔離起緊村屋，令到本來開揚空擴嘅地方變得焗促同沙塵滾滾，日頭真係唔敢去呀，容乜易碟碟都係風沙骨，但係夜晚尤其是而家呢尐日子去就最啱！
趁住秋未初冬嘅季節，坐在戶外。一邊仰望牽牛織女星，一邊細啖美食，感覺悠閑，雖然都係唔可以飲紅酒，但係如果餐廳可以播番尐爵士樂就好似財爺話齋，都算係幾中產咖喇。咁食完飯之後，如果有時間，重可以一直向船灣淡水湖主壩走，由停車場起計，來回不用二十分鐘，而我就通常會上到去行一段路，再瞓喺壩上仰望星空。
畢業後，你有幾耐冇仰望過星空喇！你有幾耐冇面對過個天呀！當年嘅浪漫情懷剩番幾多？當日改變世界嘅理想又去左邊？(昨夜的渡輪上)
2014年11月13日 星期四
嘉嘉的為食路上，飛機餐
飛機餐，我好細個就食咖喇，你唔好以為我咁巴閉，細細個就可以搭飛機而有飛機餐食喎，我細個食果尐飛機餐係喺餐廳入面食嘅，係考試成績好至有得食。咁你又唔好以為係我考試成績好喎，果個肯定唔係我，係我家姐，而阿媽為免獨留兒童在家中，就一定會帶埋我去。呢尐唔係叫讀書叻，係叫有食神！
重記得果間餐廳喺旺角，入面黑矇矇，好似好high class咁，去到我就坐低等食，飛機餐唔係我叫嘅，係阿媽叫嘅，如果俾我叫，就一定係baked Alaska火焰雪山喇！好喇，個飛機餐到，係一個銻盤，上面已經啤定左唔同間格，就好似而家尐小朋友餐具咁，每格放有唔同嘅食物，咁究竟上面放左尐乜嘢食物，我真係唔記得左，我只係記得有一格係啫哩，震下震下咁好得意，而且佢俾好多花奶，食得我好開心，雖然記憶已經好淡，但係我反而記得個餐幾多錢喎，係$5.5。
之後有機會搭飛機出外旅行，就知道原來飛機餐唔係尐好嘢，雖然都有沙律、頭盤、主菜、甜品，但係一盤過只係方便飛機上有限嘅空間俾餐飯你食咁解，而飛機上嘅飛機餐嘅托盤亦都冇間格，反而係每樣食物都有個盤或者杯呀咁裝住，而尐刀叉匙羹亦都好骨子，於是我地果個年代尐人搭飛機，就好興順手袋埋尐刀叉匙羹喇，我亦見過人連杯同小托盤都獵埋，淨番個大托盤同食剩果尐嘢！
你唔好以為尐空姐會叫你交番尐貨出泥喎，我地果個年代，生意可能真係比較易做，所以尐航空公司都將呢尐計左入成本，冇人會出聲，亦冇人會叫你俾錢去買。就當係一種宣傳工具。係呀，我地果個年代叫做80年代，一切都好美好，空中小姐幾咁高高在上，點似空中服務員咁實幹，我見而家尐空中服務員真係由起飛做到落機，就算飛長途，明明係瞓覺時份，頭頂果𥵃紅燈都時時有人㩒，好似驚佢地太得閒咁！
講遠左，講番飛機餐先。咁之後出泥打工就有好多機會用公數坐飛機，所以坐嘅位都闊尐而飛機餐亦都感覺上好食左尐，咁點解係感覺上呢？因為佢只係將尐食物幫你放落個碟度，好似叫做食得冇咁迫夾，但實際食緊嘅都係番熱食物，好食極有個譜。
咁多年泥，我都對飛機餐上面果尐餐具冇興趣，早期雖然係鐵匙羹，無論款式質地都唔錯，但係我屋企都有餐具喇，駛乜用人地用過嘅餐具喎，但係有一次，又係因為公幹，並且係長途夜機，食晚餐嘅時候，當空姐幫我將食物放在碟上嘅時候，我見到傍邊放左一對好骨子嘅胡椒同鹽樽，一灰一白，好簡單好靚，我當時連飯都冇食，即時玀起泥係咁把玩，好鍾意。到收碟嘅時候我真係忍唔住，問空姐我可唔可以玀左佢，空中小姐話轉頭覆我。過左一陣，佢出泥，手上有一對胡椒鹽樽！
當時真係好開心，而事後知道因為太多乘客想留呢對樽仔做記念，航空公司開始收錢時，我重開心，因為我果對係無價寶！
不過，咁多年之後，對無價寶都唔知俾我塞左去邊！但係諗番轉頭，果個感覺依然係開心。
今日如果你話請我去食飛機餐，我當然多謝你喇，因為你要買張機票請我上機我至有得食，但係我會自己食飽左至上機，瞓醒一大覺之後，請空中服務員請我食番杯雪糕，對我泥講，呢個至係最美味嘅飛機餐呀！
重記得果間餐廳喺旺角，入面黑矇矇，好似好high class咁，去到我就坐低等食，飛機餐唔係我叫嘅，係阿媽叫嘅，如果俾我叫，就一定係baked Alaska火焰雪山喇！好喇，個飛機餐到，係一個銻盤，上面已經啤定左唔同間格，就好似而家尐小朋友餐具咁，每格放有唔同嘅食物，咁究竟上面放左尐乜嘢食物，我真係唔記得左，我只係記得有一格係啫哩，震下震下咁好得意，而且佢俾好多花奶，食得我好開心，雖然記憶已經好淡，但係我反而記得個餐幾多錢喎，係$5.5。
之後有機會搭飛機出外旅行，就知道原來飛機餐唔係尐好嘢，雖然都有沙律、頭盤、主菜、甜品，但係一盤過只係方便飛機上有限嘅空間俾餐飯你食咁解，而飛機上嘅飛機餐嘅托盤亦都冇間格，反而係每樣食物都有個盤或者杯呀咁裝住，而尐刀叉匙羹亦都好骨子，於是我地果個年代尐人搭飛機，就好興順手袋埋尐刀叉匙羹喇，我亦見過人連杯同小托盤都獵埋，淨番個大托盤同食剩果尐嘢！
你唔好以為尐空姐會叫你交番尐貨出泥喎，我地果個年代，生意可能真係比較易做，所以尐航空公司都將呢尐計左入成本，冇人會出聲，亦冇人會叫你俾錢去買。就當係一種宣傳工具。係呀，我地果個年代叫做80年代，一切都好美好，空中小姐幾咁高高在上，點似空中服務員咁實幹，我見而家尐空中服務員真係由起飛做到落機，就算飛長途，明明係瞓覺時份，頭頂果𥵃紅燈都時時有人㩒，好似驚佢地太得閒咁！
講遠左，講番飛機餐先。咁之後出泥打工就有好多機會用公數坐飛機，所以坐嘅位都闊尐而飛機餐亦都感覺上好食左尐，咁點解係感覺上呢？因為佢只係將尐食物幫你放落個碟度，好似叫做食得冇咁迫夾，但實際食緊嘅都係番熱食物，好食極有個譜。
咁多年泥，我都對飛機餐上面果尐餐具冇興趣，早期雖然係鐵匙羹，無論款式質地都唔錯，但係我屋企都有餐具喇，駛乜用人地用過嘅餐具喎，但係有一次，又係因為公幹，並且係長途夜機，食晚餐嘅時候，當空姐幫我將食物放在碟上嘅時候，我見到傍邊放左一對好骨子嘅胡椒同鹽樽，一灰一白，好簡單好靚，我當時連飯都冇食，即時玀起泥係咁把玩，好鍾意。到收碟嘅時候我真係忍唔住，問空姐我可唔可以玀左佢，空中小姐話轉頭覆我。過左一陣，佢出泥，手上有一對胡椒鹽樽！
 |
| 國泰航空精緻的胡椒鹽樽 |
當時真係好開心，而事後知道因為太多乘客想留呢對樽仔做記念，航空公司開始收錢時，我重開心，因為我果對係無價寶！
不過，咁多年之後，對無價寶都唔知俾我塞左去邊！但係諗番轉頭，果個感覺依然係開心。
今日如果你話請我去食飛機餐，我當然多謝你喇，因為你要買張機票請我上機我至有得食，但係我會自己食飽左至上機，瞓醒一大覺之後，請空中服務員請我食番杯雪糕，對我泥講，呢個至係最美味嘅飛機餐呀！
2014年11月6日 星期四
嘉嘉的為食路上，熊掌
天氣開始凍，中國人最鍾意喺呢個時候進補。又唔知幾時開始，所有稀有動物，都係補身嘅，於是全世界嘅稀有動物，一聽到中國人呢三個字，就驚到魂魄唔齊！雖然中國人有句說話叫「背瘠向天人所食」，但係我諗呢句嘢都係冇乜真理，係尐為食精度出泥俾自己下台階嘅啫！
做左二十年公關，喺多次嘅出差、宴請嘅經驗之中，唔少都係記憶猶新，而食過嘅特色嘢都唔少。話說有一次係返內地工作，對口單位請我地食晚飯，食飯之前已經有人提及今晚有好嘢食，我不以為已，心諗，唔係貓狗就得喇，其他所謂珍禽異獸，我懷疑係老作居多，不過係豬肉湯一碗，又或者係燜牛肉或者羊肉鍋，邊得泥咁多山珍海錯！
坐到埋檯，一輪祝酒之後，大家都輕鬆了很多，食埋個冷盤其實都好飽，不過就而家至開始上菜。只見我地度房門一開，已經有十二位待應在門外等候，佢地托盤上都放有金蓋小窩，跟住一齊行入房並企喺我地傍邊，然後同一時間分別將個窩放到我地面前之後重幫我地開埋蓋。
金蓋一開，擺喺面前嘅係一碟震顫顫嘅淺啡色透明物體，大細就好似一件東坡肉咁，個樣就有尐似上海人好鍾意食嘅啫哩凍，但係就比啫哩凍重軟尐，見到呢尐不明物體，我第一個反應係拱個鼻埋去聞下先，冇甜味又冇咸味，有小小好似海產嘅惺味，又好似有尐騷味！我唔係好肯定係乜嘢，雖然對口單位猛話係好嘢，但係直覺話我知係唔慌好嘢！
我當時望下老闆，再望下其他同事，因為全團得我一個女仔，佢地最鍾意搵我較飛，睇佢地都係喺度剝花生等睇戲咁款，又或者等我食完知道係乜嘢之後佢地至起筷！其實我諗，就算我食完我都未必知道係乜，因為我都未食過呢樣嘢！
我唯有望向對方老闆，佢地都好鍾意整蠱我，但係我唔開會時會同佢地講下外面有尐乜嘢新事物，得意嘢，連餐飲禮儀都同佢地講埋，亦因為咁，我同對口單位嘅關係係好好嘅！對方老闆見我咁猶疑，笑笑口然後說，何小姐是朋友喇，唔好整蠱佢！佢說話一出，坐喺我傍邊嘅小李就立刻拍拍手，呢個時候只見一個穿上待應服飾嘅美少女，手持托盤走入我地間房，行到埋我地張檯時，一手揭開托盤蓋，一手將托盤內嘅食物送到我地眼前！嘩，毛生生嘅一隻手！跟住佢就報菜：呢一味係熊掌！
嘩，我真係暈一暈！熊掌！佢真係驚我地唔信佢，於是整隻未煮嘅熊掌俾我地睇！我諗我當時隻眼應該瞪到大過個頭，所以坐喺我傍邊嘅小李話：唔駛驚，當係駝峰咁食，好補身。
當駝峰咁食！駝峰我都唔食喇，重講熊掌！我諗我當時有尐面青，而事實係我開始反胃，但係當場又唔到我反檯，咁大張合約傾緊，埋欄咁滯，人家盛意拳拳，請你食好嘢，就憑你一個低級員工？唔係要人換菜係嘛！但係我真係食唔落口，亦都真係點都唔會食呀！
正在唔知點算，我個老闆出手，佢呢尐番書妹唔識嘢，罰佢飲酒，嘩，正中下懷，飲酒係我強項，亦係我興趣，而當日酒水係我地安排，因為佢地都想試下尐法國紅酒，所以果日飲嘅係靚紅酒，而唔係佢地果尐燒得著嘅白酒，所以多多都冇問題，之後大家唱談甚歡。
人地有冇食我唔知，亦都唔敢去望，但係我真係一啖都冇試到。其實我睇佢都不過係一堆骨膠原，要補骨膠原應該有大把其他嘢食，唔駛搵隻熊泥飛呀！
做左二十年公關，喺多次嘅出差、宴請嘅經驗之中，唔少都係記憶猶新，而食過嘅特色嘢都唔少。話說有一次係返內地工作，對口單位請我地食晚飯，食飯之前已經有人提及今晚有好嘢食，我不以為已，心諗，唔係貓狗就得喇，其他所謂珍禽異獸，我懷疑係老作居多，不過係豬肉湯一碗，又或者係燜牛肉或者羊肉鍋，邊得泥咁多山珍海錯！
坐到埋檯，一輪祝酒之後，大家都輕鬆了很多，食埋個冷盤其實都好飽，不過就而家至開始上菜。只見我地度房門一開，已經有十二位待應在門外等候，佢地托盤上都放有金蓋小窩，跟住一齊行入房並企喺我地傍邊，然後同一時間分別將個窩放到我地面前之後重幫我地開埋蓋。
金蓋一開，擺喺面前嘅係一碟震顫顫嘅淺啡色透明物體，大細就好似一件東坡肉咁，個樣就有尐似上海人好鍾意食嘅啫哩凍，但係就比啫哩凍重軟尐，見到呢尐不明物體，我第一個反應係拱個鼻埋去聞下先，冇甜味又冇咸味，有小小好似海產嘅惺味，又好似有尐騷味！我唔係好肯定係乜嘢，雖然對口單位猛話係好嘢，但係直覺話我知係唔慌好嘢！
我當時望下老闆，再望下其他同事，因為全團得我一個女仔，佢地最鍾意搵我較飛，睇佢地都係喺度剝花生等睇戲咁款，又或者等我食完知道係乜嘢之後佢地至起筷！其實我諗，就算我食完我都未必知道係乜，因為我都未食過呢樣嘢！
我唯有望向對方老闆，佢地都好鍾意整蠱我，但係我唔開會時會同佢地講下外面有尐乜嘢新事物，得意嘢，連餐飲禮儀都同佢地講埋，亦因為咁，我同對口單位嘅關係係好好嘅！對方老闆見我咁猶疑，笑笑口然後說，何小姐是朋友喇，唔好整蠱佢！佢說話一出，坐喺我傍邊嘅小李就立刻拍拍手，呢個時候只見一個穿上待應服飾嘅美少女，手持托盤走入我地間房，行到埋我地張檯時，一手揭開托盤蓋，一手將托盤內嘅食物送到我地眼前！嘩，毛生生嘅一隻手！跟住佢就報菜：呢一味係熊掌！
嘩，我真係暈一暈！熊掌！佢真係驚我地唔信佢，於是整隻未煮嘅熊掌俾我地睇！我諗我當時隻眼應該瞪到大過個頭，所以坐喺我傍邊嘅小李話：唔駛驚，當係駝峰咁食，好補身。
當駝峰咁食！駝峰我都唔食喇，重講熊掌！我諗我當時有尐面青，而事實係我開始反胃，但係當場又唔到我反檯，咁大張合約傾緊，埋欄咁滯，人家盛意拳拳，請你食好嘢，就憑你一個低級員工？唔係要人換菜係嘛！但係我真係食唔落口，亦都真係點都唔會食呀！
正在唔知點算，我個老闆出手，佢呢尐番書妹唔識嘢，罰佢飲酒，嘩，正中下懷，飲酒係我強項，亦係我興趣，而當日酒水係我地安排，因為佢地都想試下尐法國紅酒，所以果日飲嘅係靚紅酒，而唔係佢地果尐燒得著嘅白酒，所以多多都冇問題，之後大家唱談甚歡。
人地有冇食我唔知，亦都唔敢去望，但係我真係一啖都冇試到。其實我睇佢都不過係一堆骨膠原，要補骨膠原應該有大把其他嘢食，唔駛搵隻熊泥飛呀！
2014年10月31日 星期五
嘉嘉的為食路上，家務助理
家務助理又走了！你會問，家務助理與你的飲食之路有甚麼關係！有，如果你都有用家務助理，你問下你自己在過去一年，你吃她們煮的飯多，定係出街食多！
記憶中，早年的家務助理都是從菲律賓請過來，不似現在的可以在香港的中介人公司揀的，所以都知道是要教的，她們初來報到時，我們都會請她煮自己的拿手好戲，因為如果一來到就要她學習繁複的中國菜，就算只是家常小菜，對於食慣西餐嘅菲藉人仕，也是很難掌握的，而且我們一心希望，如果她的拿手好戲也「食得下」，咁亦唔需要咁急於教佢煮中國菜，等佢地可以逐步適應。不過，我可以跟你說，這個想法是很一廂情願的，因為她們的拿手好戲，都是煎或炸的，先不說味道，這樣的吃下去，不過一天已經全家熱氣了！
教她們煮菜說難不難，說易不易，肯聽肯記就得，不過有時失起魂上泥就冇計喇！而我覺得最重要還是她們本身也為食。而我是很重視食的，所以近年在選家務助理時，都會要求一個懂得煮食的，而中介人雖然說會因就你的要求作出安排，但他們的目的在收中介費，所以有時手頭上沒有適合的人選，也會介紹給你，當然也有經過一番訓練的，不過不是實戰的烹飪訓練而是口頭訓練，所以自己去揀人時就要打醒十二分精神。
話說有一次我的家務助理要去加拿大工作，於是我又走去旺角的中介中心見人，第一個是菲律賓藉的，我問她識唔識煮飯，佢話識。咁我問佢識煮乜，佢話煲湯。咁我問佢識煲乜湯，佢話青紅蘿蔔煲豬肉，咁勁，我心諗，正喎！跟住我問佢咁識煮乜呀，佢話蒸蛋，雖然我最憎食蛋，但屋企人會食，於是我順口問佢點蒸，佢話：俾尐蛋，俾尐水蒸。咁蒸幾耐呢，我問。佢呆一呆，然後答30 minutes！即係30分鐘呀！嗄，我唔食蛋都知冇可能蒸咁耐喇！下一位！
第二個入泥，佢又係識煲青紅蘿蔔湯，唔止，重識煲蓮藕湯添，亦都識炆粉絲蝦米。今次我精，問埋佢點煲，佢話俾尐蓮藕、俾尐粉絲、俾尐蝦米，你唔好笑呀，亦都唔好以為我作大，我地真係請過一個家務助理，係將尐粉絲蝦米掉埋落節瓜豬展湯度一齊煲呀！我唔怪佢地，因為中國人的飲食文化源遠而流長，唔係咁易掌握，我唔介意教，但係中介公司唔好呃我吖！
之後又見左個話識整豉油雞，我心情又為之一震，即刻問佢點整。佢話用kam kam記豉油雞汁，哦！之後我岳高頭至留意，原來成間中介公司都貼左kam kam記嘅poster！
再之後見了幾個也不合心水，最後是一個印尼藉的，這時我也見得悶悶地，因為個個都係話識煲同果幾款湯同埋送！我轉個方法問佢，我問如果你唔駛煮嘢俾事頭食，你自己鍾意食乜？佢答即食麵。咦，有尐新意喎。我於是問你最叻煮乜送，佢話沙薑雞，唔係咁好彩下話，沙薑雞！咁我問佢點整，佢竟然由配制沙薑粉開始講起，到醃、到蒸、到斬雞都講埋，嘩，聽到我留哂口水呀！即刻簽約。
講番都好多年喇，之後佢番左鄉下嫁人。當然唔係時時咁好彩，我地都經歷過借大耳窿錢嘅助理，俾佢地尐債主打電話恐嚇，亦試過俾佢地偷嘢，話老公發生意外要即刻放假又有，話個仔結婚呃左我阿媽封大利是又有，不過每念到佢地飄洋過海泥賺你幾千蚊，同埋佢地令香港婦女可以安心咁出外工作嘅時候，我就幾激氣都當係一碗煲得唔太好嘅湯咁goo聲吞左佢！
記憶中，早年的家務助理都是從菲律賓請過來，不似現在的可以在香港的中介人公司揀的，所以都知道是要教的，她們初來報到時，我們都會請她煮自己的拿手好戲，因為如果一來到就要她學習繁複的中國菜，就算只是家常小菜，對於食慣西餐嘅菲藉人仕，也是很難掌握的，而且我們一心希望，如果她的拿手好戲也「食得下」，咁亦唔需要咁急於教佢煮中國菜，等佢地可以逐步適應。不過，我可以跟你說，這個想法是很一廂情願的，因為她們的拿手好戲，都是煎或炸的，先不說味道，這樣的吃下去，不過一天已經全家熱氣了！
教她們煮菜說難不難，說易不易，肯聽肯記就得，不過有時失起魂上泥就冇計喇！而我覺得最重要還是她們本身也為食。而我是很重視食的，所以近年在選家務助理時，都會要求一個懂得煮食的，而中介人雖然說會因就你的要求作出安排，但他們的目的在收中介費，所以有時手頭上沒有適合的人選，也會介紹給你，當然也有經過一番訓練的，不過不是實戰的烹飪訓練而是口頭訓練，所以自己去揀人時就要打醒十二分精神。
話說有一次我的家務助理要去加拿大工作，於是我又走去旺角的中介中心見人，第一個是菲律賓藉的，我問她識唔識煮飯，佢話識。咁我問佢識煮乜，佢話煲湯。咁我問佢識煲乜湯，佢話青紅蘿蔔煲豬肉，咁勁，我心諗，正喎！跟住我問佢咁識煮乜呀，佢話蒸蛋，雖然我最憎食蛋，但屋企人會食，於是我順口問佢點蒸，佢話：俾尐蛋，俾尐水蒸。咁蒸幾耐呢，我問。佢呆一呆，然後答30 minutes！即係30分鐘呀！嗄，我唔食蛋都知冇可能蒸咁耐喇！下一位！
第二個入泥，佢又係識煲青紅蘿蔔湯，唔止，重識煲蓮藕湯添，亦都識炆粉絲蝦米。今次我精，問埋佢點煲，佢話俾尐蓮藕、俾尐粉絲、俾尐蝦米，你唔好笑呀，亦都唔好以為我作大，我地真係請過一個家務助理，係將尐粉絲蝦米掉埋落節瓜豬展湯度一齊煲呀！我唔怪佢地，因為中國人的飲食文化源遠而流長，唔係咁易掌握，我唔介意教，但係中介公司唔好呃我吖！
之後又見左個話識整豉油雞，我心情又為之一震，即刻問佢點整。佢話用kam kam記豉油雞汁，哦！之後我岳高頭至留意，原來成間中介公司都貼左kam kam記嘅poster！
再之後見了幾個也不合心水，最後是一個印尼藉的，這時我也見得悶悶地，因為個個都係話識煲同果幾款湯同埋送！我轉個方法問佢，我問如果你唔駛煮嘢俾事頭食，你自己鍾意食乜？佢答即食麵。咦，有尐新意喎。我於是問你最叻煮乜送，佢話沙薑雞，唔係咁好彩下話，沙薑雞！咁我問佢點整，佢竟然由配制沙薑粉開始講起，到醃、到蒸、到斬雞都講埋，嘩，聽到我留哂口水呀！即刻簽約。
講番都好多年喇，之後佢番左鄉下嫁人。當然唔係時時咁好彩，我地都經歷過借大耳窿錢嘅助理，俾佢地尐債主打電話恐嚇，亦試過俾佢地偷嘢，話老公發生意外要即刻放假又有，話個仔結婚呃左我阿媽封大利是又有，不過每念到佢地飄洋過海泥賺你幾千蚊，同埋佢地令香港婦女可以安心咁出外工作嘅時候，我就幾激氣都當係一碗煲得唔太好嘅湯咁goo聲吞左佢！
2014年10月23日 星期四
嘉嘉的為食路上，蛇羹
秋風起，三蛇肥。好坦白講，我係唔知呢句話講嘅三蛇係邊三蛇，我只係知道，秋風起，我就會心思思想食番碗蛇羹。
可能羅啟新唔知道，我之所以開始食蛇，係同佢有淵源。話說我細個對蛇羹嘅印象麻麻，通常係大人由佢果碗度𢳂一羹俾我試，但係你知蛇羹呢家嘢係唔係好arm細路仔feel，無論味道到賣相都輸，再加上蛇，咁核突，真係一羹已經嫌多。
但係到我出泥做事，有一日食lunch我同阿虫同Cuson出左深水埗，果陣時嘅深水埗重係另一個世界咁款，因為行行下你會見到有一條大蛇喺路中心，係真咖喎，條蛇，不過唔使驚，佢只係好似我阿媽形容我咁，一條死蛇爛鱔咁撻喺度，完全冇殺傷力，咁冇耐就有個師傅出泥生劏蛇膽。其實咁多年後我都重懷疑，阿師傅果招劏蛇膽係大偉高柏威教佢嘅，唔係邊有咁多蛇俾佢劏呀！
A，講番阿師傅先，咁之後佢又會行番入鋪賣蛇羹，我見真係好多人幫趁，應該唔係媒。但果次我冇去食，只係好奇並覺得咁多人鍾意食嘅嘢，點都要試一試再決定自己鍾唔鍾意食。
之後我自己一個人去左灣仔伊利沙伯大廈附近果間食蛇王二，嘩，一食即刻鍾意左，雖然到今日我都重係嫌佢尐獻汁傑左少少，但係味道係真係好好。你唔好以為我冇食過其他鋪頭嘅蛇羹喎，喺食呢方面，我除左運氣唔錯，亦都好夠膽，我真係摩過去廟街搵下有冇消失中的五蛇羹，但係我搵唔到，試過好幾間都只係得獻汁加麻油。
其實我尐口福真係唔錯，喺我做公關時，有幸由內地嘅對口單位招呼我地食蛇羹，真係好味，肉質鮮甜，可惜有尐粗鞋，可能係條蛇大條左尐，不過用泥炸蛇祿就最正，因為夠粗壯，多肉。我真係食到唔停口，不過果時全團最細係我，而佢地個個都唔敢食咁多，於是我就係幫手食以免浪費，而唔係掛住食冇禮貌。
之後又去過全港最出名嘅銀行頂樓食蛇，刀章幼細，味美無比，可惜因為係半工事，所以始終不能盡情的吃。
當然我也去過中環尾那些地方吃，但新派的我嫌太新，舊派的手功又不夠細，食得不是味道！
講真食得最安心嘅始終係灣仔果間，我鍾意佢夠迫，呢句係真心而唔係反話，一來天氣冷至會食蛇，咁迫尐就會暖尐，二來夠迫即係生意好，咁材料自然新鮮而佢為左唔好影響生意，都會俾心機做好佢喇！當然最重要嘅原因係佢個潤腸飯都好出色。
所以每到冬天，我一定會去食一碗蛇羹加個潤腸飯，之後就乜都唔做，番屋企瞓番覺，唔知係心理作用定係食飽暖暖地，一或係蛇羹嘅效果，咁樣食一餐之後，真係好好瞓，真係好似人地話食完糯米飯之後咁，瞓到會責死木蝨咖！
可能羅啟新唔知道，我之所以開始食蛇，係同佢有淵源。話說我細個對蛇羹嘅印象麻麻，通常係大人由佢果碗度𢳂一羹俾我試，但係你知蛇羹呢家嘢係唔係好arm細路仔feel，無論味道到賣相都輸，再加上蛇，咁核突，真係一羹已經嫌多。
但係到我出泥做事，有一日食lunch我同阿虫同Cuson出左深水埗，果陣時嘅深水埗重係另一個世界咁款，因為行行下你會見到有一條大蛇喺路中心，係真咖喎，條蛇，不過唔使驚，佢只係好似我阿媽形容我咁，一條死蛇爛鱔咁撻喺度，完全冇殺傷力，咁冇耐就有個師傅出泥生劏蛇膽。其實咁多年後我都重懷疑，阿師傅果招劏蛇膽係大偉高柏威教佢嘅，唔係邊有咁多蛇俾佢劏呀！
A，講番阿師傅先，咁之後佢又會行番入鋪賣蛇羹，我見真係好多人幫趁，應該唔係媒。但果次我冇去食，只係好奇並覺得咁多人鍾意食嘅嘢，點都要試一試再決定自己鍾唔鍾意食。
之後我自己一個人去左灣仔伊利沙伯大廈附近果間食蛇王二，嘩，一食即刻鍾意左，雖然到今日我都重係嫌佢尐獻汁傑左少少，但係味道係真係好好。你唔好以為我冇食過其他鋪頭嘅蛇羹喎，喺食呢方面，我除左運氣唔錯，亦都好夠膽，我真係摩過去廟街搵下有冇消失中的五蛇羹，但係我搵唔到，試過好幾間都只係得獻汁加麻油。
其實我尐口福真係唔錯，喺我做公關時，有幸由內地嘅對口單位招呼我地食蛇羹，真係好味，肉質鮮甜，可惜有尐粗鞋，可能係條蛇大條左尐，不過用泥炸蛇祿就最正，因為夠粗壯，多肉。我真係食到唔停口，不過果時全團最細係我，而佢地個個都唔敢食咁多，於是我就係幫手食以免浪費，而唔係掛住食冇禮貌。
之後又去過全港最出名嘅銀行頂樓食蛇，刀章幼細，味美無比，可惜因為係半工事，所以始終不能盡情的吃。
當然我也去過中環尾那些地方吃，但新派的我嫌太新，舊派的手功又不夠細，食得不是味道！
講真食得最安心嘅始終係灣仔果間，我鍾意佢夠迫，呢句係真心而唔係反話，一來天氣冷至會食蛇，咁迫尐就會暖尐，二來夠迫即係生意好，咁材料自然新鮮而佢為左唔好影響生意，都會俾心機做好佢喇！當然最重要嘅原因係佢個潤腸飯都好出色。
所以每到冬天，我一定會去食一碗蛇羹加個潤腸飯，之後就乜都唔做，番屋企瞓番覺，唔知係心理作用定係食飽暖暖地，一或係蛇羹嘅效果，咁樣食一餐之後，真係好好瞓，真係好似人地話食完糯米飯之後咁，瞓到會責死木蝨咖！
2014年10月16日 星期四
嘉嘉的為食路上，大閘蟹
秋天，我有幾種主打飲食活動，包括蛇羹、BBQ同大閘蟹。三種都是我喜歡的，不過如果以排名計，一定係大閘蟹排第一！
少年時是不食蟹膏的，這應該與我不吃雞蛋有關，那些乸的膏，經烹煮後，與咸蛋黃揀直就是孖生姊妹！看得我毛管直豎，所以我少年時只吃蟹肉，不吃蟹膏，這樣一直到我在電台工作，有一次跟大隊去朋友的家中吃飯。女主人買了大閘蟹問我吃幾多隻，因為當時的大閘蟹不似現在的普及，價錢不便宜，我不想浪費乃對主人說，我不吃的，因為似蛋黃。女主人望望我，然後說，那我預你四隻公，我正想拒絕，他向我眨眨眼，說：食完至講，你真係唔食，我食埋你果份都重得！咁又係，當年我先至廾幾歲，而佢亦不過四十，膽固醇？未驚過！
埋位食蟹喇！蒸熟了放在精緻的瓷碟上的，是手掌般大的大閘蟹，我望著它不知從何入手，因為在家中吃蟹，從來是姊姊幫我拆開並把蟹膏挑走我才吃的，所以基本上我未拆過一隻蟹，更莫講大閘蟹了。而且這隻蟹是剛蒸好，熱騰騰的，我真的不知如何入手！女主人見我老鼠拉龜似的，便坐到我傍邊與我一起做。首先用毛巾把熱辣辣的蟹按住，再快手把蟹腳和蟹鉗拆除，再把蟹翻轉，揭起V字形的外俺，再由平的那邊把蟹蓋揭開，在V形那個位用力一推，蟹身便一分為二，再在這中間找出星形內臟，並把兩邊的蟹腮除去，就可以開始吃的程序。
坦白說，以當時並未知大閘蟹為何物的我，做完這些步驟已有點筋疲力盡！但我亦見翻出來的蟹膏與我見慣的不同，也真有興趣一試。乃跟著朋友的引導，用小匙羹𢳂起蟹膏，再略浸在放有薑醋汁的碗上，立即離此—碗，並即刻一手把那口蟹膏送入口。
嘩，那感覺實在一流，軟軟的，香香的，暖暖的，當時我只想一直如此這般的吃下去。不用說，自此我便中了招，成為大閘蟹的奴隸，一年不吃他三、五、十次不算過了秋天！
當然這已是往事，今日就算自己不怕膽固醇過高，朋友也沒有多少個可以如此捨命陪君子了！吃大閘蟹跟吃任何食物一樣，是要腳的，腳少了，吃的機會亦少了，試過實在心癮起，乃走去買幾隻自己回家吃！感覺不一樣，甚至有點差，沒有人跟你一起讚嘆蟹膏的豐腴，沒有人羨慕你的那隻比他那隻多膏，只有靜靜的自己在吃，很孤獨的！
好彩現在仍有幾隻大閘蟹腳，一年也能吃到三四次，也真的是一種祝福了！不過現在的蟹也真平，而且十月還未到已有大版大版的廣告在賣大閘蟹餐，二百蚊的有、三百蚊的有、五百蚊的也有，我的看法是一分錢一分貨，去年曾試過上酒樓吃四十八蚊一隻的大閘蟹，朋友說吃得過，我吃後只能說不是新鮮貨式，不過也未發臭就是！以去年的來貨價及團購價來計，四十八蚊如果在家中吃，水準好得多，至少隻隻生猛！我買的是老字號，老三陽的團購，那才真的算是吃得過呀。
好，分享一下我的煮蟹方法。
水一鑊，紫蘇葉每蒸一次用兩三片。煲水，同時在碟上鋪上紫蘇葉，將蟹反轉，即係蟹肚向上，放在碟上，水滾，把碟放在蒸架上，除非好大隻，一般蒸二十分鐘就食得。
自己蒸還可以控制進食的節奏，食完一隻另一隻剛蒸好，於是又有熱辣辣，暖笠笠的蟹膏可食。平之外還可以食得悠閑，咁至係享受食物，而唔係俾商家利用食物享受你！
少年時是不食蟹膏的，這應該與我不吃雞蛋有關，那些乸的膏，經烹煮後，與咸蛋黃揀直就是孖生姊妹！看得我毛管直豎，所以我少年時只吃蟹肉，不吃蟹膏，這樣一直到我在電台工作，有一次跟大隊去朋友的家中吃飯。女主人買了大閘蟹問我吃幾多隻，因為當時的大閘蟹不似現在的普及，價錢不便宜，我不想浪費乃對主人說，我不吃的，因為似蛋黃。女主人望望我，然後說，那我預你四隻公，我正想拒絕，他向我眨眨眼，說：食完至講，你真係唔食，我食埋你果份都重得！咁又係，當年我先至廾幾歲，而佢亦不過四十，膽固醇？未驚過！
埋位食蟹喇！蒸熟了放在精緻的瓷碟上的，是手掌般大的大閘蟹，我望著它不知從何入手，因為在家中吃蟹，從來是姊姊幫我拆開並把蟹膏挑走我才吃的，所以基本上我未拆過一隻蟹，更莫講大閘蟹了。而且這隻蟹是剛蒸好，熱騰騰的，我真的不知如何入手！女主人見我老鼠拉龜似的，便坐到我傍邊與我一起做。首先用毛巾把熱辣辣的蟹按住，再快手把蟹腳和蟹鉗拆除，再把蟹翻轉，揭起V字形的外俺，再由平的那邊把蟹蓋揭開，在V形那個位用力一推，蟹身便一分為二，再在這中間找出星形內臟，並把兩邊的蟹腮除去，就可以開始吃的程序。
坦白說，以當時並未知大閘蟹為何物的我，做完這些步驟已有點筋疲力盡！但我亦見翻出來的蟹膏與我見慣的不同，也真有興趣一試。乃跟著朋友的引導，用小匙羹𢳂起蟹膏，再略浸在放有薑醋汁的碗上，立即離此—碗，並即刻一手把那口蟹膏送入口。
嘩，那感覺實在一流，軟軟的，香香的，暖暖的，當時我只想一直如此這般的吃下去。不用說，自此我便中了招，成為大閘蟹的奴隸，一年不吃他三、五、十次不算過了秋天！
當然這已是往事，今日就算自己不怕膽固醇過高，朋友也沒有多少個可以如此捨命陪君子了！吃大閘蟹跟吃任何食物一樣，是要腳的，腳少了，吃的機會亦少了，試過實在心癮起，乃走去買幾隻自己回家吃！感覺不一樣，甚至有點差，沒有人跟你一起讚嘆蟹膏的豐腴，沒有人羨慕你的那隻比他那隻多膏，只有靜靜的自己在吃，很孤獨的！
好彩現在仍有幾隻大閘蟹腳，一年也能吃到三四次，也真的是一種祝福了！不過現在的蟹也真平，而且十月還未到已有大版大版的廣告在賣大閘蟹餐，二百蚊的有、三百蚊的有、五百蚊的也有，我的看法是一分錢一分貨，去年曾試過上酒樓吃四十八蚊一隻的大閘蟹，朋友說吃得過，我吃後只能說不是新鮮貨式，不過也未發臭就是！以去年的來貨價及團購價來計，四十八蚊如果在家中吃，水準好得多，至少隻隻生猛！我買的是老字號，老三陽的團購，那才真的算是吃得過呀。
好，分享一下我的煮蟹方法。
水一鑊，紫蘇葉每蒸一次用兩三片。煲水，同時在碟上鋪上紫蘇葉，將蟹反轉，即係蟹肚向上，放在碟上，水滾，把碟放在蒸架上，除非好大隻，一般蒸二十分鐘就食得。
自己蒸還可以控制進食的節奏，食完一隻另一隻剛蒸好，於是又有熱辣辣，暖笠笠的蟹膏可食。平之外還可以食得悠閑，咁至係享受食物，而唔係俾商家利用食物享受你！
2014年10月12日 星期日
嘉嘉的為食路上，洋蔥醫咳
感冒是一件沒法逃避的事。你或者會話點會沒法逃避呀，你早睡早起，你唔好亂食嘢，你唔好咁緊張！唉，做直播節目又點會唔緊張，難得放個假去外地走走，見見世界，又點會唔乜都試下，而食又是我人生最大樂趣，食得比平時多及見新鮮食物就試是少不免的了。至於早睡早起，平時因要做節目的關係，算是做得到了，但放假的話，亦總要放恣一下，於是就搞出一個傷風來！
對於傷風我是不太介意的，香港人在這方面經驗豐富，不似美國人，傷風足以致命。但我面對傷風時，仍是小心翼翼的，因我怕它發展出一個咳嗽來！
咳，是一件很討厭的事，以前有個廣告都有話：係咁咳，係人都怕左你！
三年前仍番朝九晚五的日子，試過一連咳了半年，咳到三更半夜坐起身咳，咳到心口痛，甚麼方法都試過了，又海馬，又貝母，又蜜糖燉川貝粉，又薑，連年幼時醫好過我的薑汁都出動了，它就是不為所動，繼續咳！
有朋友叫我試試用鹽燉橙，我聽見這個組合，自然已在腦海中試做一次，嘩，又咸又甜，想點，咁核突，未食已經眉頭縐！而且而家尐橙咁貴，燉左食唔落口咪好浪費！
之後朋友提議「燉洋蔥」！很新奇呀，對我來說，心想洋蔥這麼便宜，就算沒有功效都冇咁傷，而且洋蔥的味道不錯，亦應該王帝都食唔死，又不是生食，最多口臭一陣，更何況做法簡單，於是一試！
呀，原來燉出來的那少少的精華的味道是甜甜的！做了第一個已咳得順很多，第二個已咳少了，至第三個更當晚收聲！有人說行運醫生醫病尾，也許，確實，有朋友吃了三個仍然咳到甩肺，但我的一位朋友的媽媽也是久咳之後，聽我說了這個偏方，而由三個洋蔥醫好。去年我亦把這方法寫在blog上，也得知醫好了不少blog友。
有朋友問我可不可以早午晚三餐的燉來吃，加速療效，這個我倒沒有試過，但咁心急做乜，多等兩天又有幾難！我仍是一個一個的吃，有時在咳的初段甚至吃一個也不再咳了。
讓我介紹我的做法吧：
水半煲。
水滾，把放有洋蔥的燉盅或高身杯放在蒸架上。
加蓋（包括盅蓋及煲蓋）燉30分鐘熄火（留意，水不能多，大概到放上蒸架後的高身杯或燉盅的半身就好，水太多的話，滾起並沁入杯或盅內，會稀釋了精華，又如果乾水的話要加熱水繼續燉）。
燉好後，把呈軟身的洋蔥移去，把燉出的少少不及一碟豉油的精華一飲而下。
至於洋蔥，當然你可以用來吃或做其他菜式，但在它供獻出所有精華之後，已完成了人間任務，只剩下纖維，讓它重歸故土吧！
後記：多次經驗後，我發覺洋蔥精華在醫理寒咳方面較有效，尤其是晚上咳個不停甚至咳醒的。至於燥咳的，則要留意食後反應，如感覺咳得不暢順，或病情嚴重了，就要停止或找醫生診治。
對於傷風我是不太介意的，香港人在這方面經驗豐富，不似美國人，傷風足以致命。但我面對傷風時，仍是小心翼翼的，因我怕它發展出一個咳嗽來！
咳，是一件很討厭的事，以前有個廣告都有話：係咁咳，係人都怕左你！
三年前仍番朝九晚五的日子，試過一連咳了半年，咳到三更半夜坐起身咳，咳到心口痛，甚麼方法都試過了，又海馬，又貝母，又蜜糖燉川貝粉，又薑，連年幼時醫好過我的薑汁都出動了，它就是不為所動，繼續咳！
有朋友叫我試試用鹽燉橙，我聽見這個組合，自然已在腦海中試做一次，嘩，又咸又甜，想點，咁核突，未食已經眉頭縐！而且而家尐橙咁貴，燉左食唔落口咪好浪費！
之後朋友提議「燉洋蔥」！很新奇呀，對我來說，心想洋蔥這麼便宜，就算沒有功效都冇咁傷，而且洋蔥的味道不錯，亦應該王帝都食唔死，又不是生食，最多口臭一陣，更何況做法簡單，於是一試！
呀，原來燉出來的那少少的精華的味道是甜甜的！做了第一個已咳得順很多，第二個已咳少了，至第三個更當晚收聲！有人說行運醫生醫病尾，也許，確實，有朋友吃了三個仍然咳到甩肺，但我的一位朋友的媽媽也是久咳之後，聽我說了這個偏方，而由三個洋蔥醫好。去年我亦把這方法寫在blog上，也得知醫好了不少blog友。
有朋友問我可不可以早午晚三餐的燉來吃，加速療效，這個我倒沒有試過，但咁心急做乜，多等兩天又有幾難！我仍是一個一個的吃，有時在咳的初段甚至吃一個也不再咳了。
讓我介紹我的做法吧：
水半煲。
洋蔥一個。撕去啡色的衣，把洋蔥切成六或八件，不用洗，放高身杯或燉盅內。
水滾，把放有洋蔥的燉盅或高身杯放在蒸架上。
加蓋（包括盅蓋及煲蓋）燉30分鐘熄火（留意，水不能多，大概到放上蒸架後的高身杯或燉盅的半身就好，水太多的話，滾起並沁入杯或盅內，會稀釋了精華，又如果乾水的話要加熱水繼續燉）。
燉好後，把呈軟身的洋蔥移去，把燉出的少少不及一碟豉油的精華一飲而下。
至於洋蔥，當然你可以用來吃或做其他菜式，但在它供獻出所有精華之後，已完成了人間任務，只剩下纖維，讓它重歸故土吧！
後記：多次經驗後，我發覺洋蔥精華在醫理寒咳方面較有效，尤其是晚上咳個不停甚至咳醒的。至於燥咳的，則要留意食後反應，如感覺咳得不暢順，或病情嚴重了，就要停止或找醫生診治。
2014年10月7日 星期二
極光之旅（二十四）- 向丹麥出發
為免太趕，所以沒有在回到赫爾辛基之後直飛哥本哈根，而是先在赫爾辛基停留一晚。在酒店check in後已後晚，沒有特別的安排，只是隨心的在街上找找吃的地方。就在酒店轉角不遠處見有一間餐廳Vapiano頗多人出入，又是那個人龍原理，於是我們又走入去八一八。
環境很像我們香港的Simply Life，但它樓上還有一層是賣酒的，而食物則即時在你面前煮，還有就是不會限你個半小時內交檯！
進食的氣氛很好，
味道也不差，算是對得自己住的一餐，亦過了一個很hea的晚上。
第二天吃過早餐，隨便在附近走走便坐巴士去機場。去到機場又是吃午餐的時候。赫爾辛基境內有這間連鎖快餐店叫Picnic，當你找不到甚麼好吃，又或只想速戰速決，這就是最好的地方。它的食物不算最好吃，但勝在多選擇，由沙律到湯到麵包主菜甜品，通通都有，而且主食（例如飯、麵、麵包之類）都是熱的。還有，在歐洲最貴的是水，一瓶350毫升的水可以收你5歐羅！但這裡的水，冷或熱是任斟的。
轉眼已飛到哥本哈根。這個機場很有趣，熱鬧到不得了。出境入境都是同一處，都滿是酒吧，都坐滿人，不知道還以為去了那條酒吧街！走錯方向並不困難，當然去到關鍵時刻你會知道你是走錯方向的！而在你入境之後，則很清楚你人在哥本哈根，因為一大塊牌在提行李處等著你，讓你知道你進入了這個啤酒之都。
我們住的酒店近火車站，放下行李後天色已不早了，到附近的地方走走，順便填肚！見有一間賣牛扒的生意不錯，於是又走入去碰碰運氣。雖然是一間賣牛扒的店，但見左右都點了豬肋骨，我們也入鄉隨俗，我們兩人叫一份，那寫單的看來有點不以為然，但看份量我們的選擇是對了，而傍邊兩桌的人，各自叫了一份都也是打包收場。
而既然來到這個啤酒之都，也點都要啤啤佢。
晚飯後，也不四圍走，回酒店休息，反正在這裡有多天的時間，不急！
環境很像我們香港的Simply Life，但它樓上還有一層是賣酒的，而食物則即時在你面前煮，還有就是不會限你個半小時內交檯！
進食的氣氛很好，
味道也不差，算是對得自己住的一餐，亦過了一個很hea的晚上。
第二天吃過早餐，隨便在附近走走便坐巴士去機場。去到機場又是吃午餐的時候。赫爾辛基境內有這間連鎖快餐店叫Picnic，當你找不到甚麼好吃，又或只想速戰速決，這就是最好的地方。它的食物不算最好吃，但勝在多選擇，由沙律到湯到麵包主菜甜品，通通都有，而且主食（例如飯、麵、麵包之類）都是熱的。還有，在歐洲最貴的是水，一瓶350毫升的水可以收你5歐羅！但這裡的水，冷或熱是任斟的。
轉眼已飛到哥本哈根。這個機場很有趣，熱鬧到不得了。出境入境都是同一處，都滿是酒吧，都坐滿人，不知道還以為去了那條酒吧街！走錯方向並不困難，當然去到關鍵時刻你會知道你是走錯方向的！而在你入境之後，則很清楚你人在哥本哈根，因為一大塊牌在提行李處等著你，讓你知道你進入了這個啤酒之都。
我們住的酒店近火車站，放下行李後天色已不早了，到附近的地方走走，順便填肚！見有一間賣牛扒的生意不錯，於是又走入去碰碰運氣。雖然是一間賣牛扒的店，但見左右都點了豬肋骨，我們也入鄉隨俗，我們兩人叫一份，那寫單的看來有點不以為然，但看份量我們的選擇是對了，而傍邊兩桌的人，各自叫了一份都也是打包收場。
而既然來到這個啤酒之都，也點都要啤啤佢。
晚飯後，也不四圍走，回酒店休息，反正在這裡有多天的時間，不急！
2014年10月2日 星期四
嘉嘉的為食路上，石湖墟的廣成冰室
冰室這兩個字今天聽起來有點懷舊，但在我小時候冰室是生活的一部份，爸爸見我們考試成績好，就會說星期六帶我們去冰室，嘩，真的可以開心上整個星期，因為幾十年前冰室是一種身份像徵，跟地痞茶餐廳不同，因為它有刨冰賣！也是從那時開始我愛上了喫刨冰，特別是紅豆冰，所以到現在，我還會心思思的去喫刨冰，覺得是對自己的獎勵。
上兩個星期，雖然天氣開始涼，我竟然想喫紅豆冰，於是我就選定了上水石湖墟這目的地。一來秋涼最好去新界走走，二來那裡也有一間以賣刨冰出名的冰室。開車的話，可泊在門口的錶位或$320告票位，又如果小街已經泊滿車，對面就有一個爛地停車場，也很方便。
因為是周未，門外在等位的人不少，初時以為要拿過號碼後四圍閒蕩才可以入座，但派號碼的說十五分鐘可以入座，於是便坐在門外等。雖然都有三兩個操普通話的，但大多是香港人，我想一心過關走水貨的，才對這裡的食物沒興趣，牛肉通？有多稀奇！紅豆冰？咁凍！
因為他們的童年與我們的不同，所以在吃的時候沒有了那份記憶，味道就不一樣。
天花上的吊扇現在只是裝飾，
高懸的餐牌上，大部份的食物傍邊都沒有價錢，不是待價而沽而是「冇得賣」，對呀，現在你想要飲一杯杏仁露並不容易，一來少人叫，就算買一罐杏仁粉回來開水，賣一頭半個月都未必用完，莫講即磨了。
回說我的下午茶。我叫了一杯紅豆冰和一個波蘿油。朋友叫了紅豆冰加牛肉通。寫單時，一時講錯了鮮油多，阿姐落筆之後，覆單之時，我發覺叫錯了，她不慌不忙的說：下次講得清楚尐，落單紙好貴！我聽見她這樣說便很自然的把視線移到那疊環保紙（即後面已經打印過），我想不通這有多貴，但係我喜歡她這種風格，於是我笑笑口說：對唔住囉，咁我要埋鮮油多喇！我相信她未預料我這個反應，正在改單的原子筆在空中停了一秒，然後問我：食唔食得哂咖你！唔係重哂喎！咁我幫你改餐喇。我笑笑口點頭，她又笑笑口落單。我相信那一刻我們兩個都好開心，大家都有一種識英雄重英雄的氣派。
波蘿油先到，接著是鮮油多，是分別以直升機的姿態直落檯面，因為大家坐得太迫，沒有空間好像其他冰室般把油多車過來！波蘿包與多士都頗好食，美中不足的是牛油太細、太薄及太軟，一口咬下去時，吃不出層次，你說如果牛油可以大點、厚點、硬點，一口咬下去時會先感覺到包的軟或多士的脆，再下去是香酥仍硬卻開始溶化的牛油，你說多好！有點可惜。
紅豆冰到了，對，是刨冰，一層紅豆、一層奶上插一個刨冰尖塔。
我吃紅豆冰的習慣是紅豆混刨冰一口一口的吃，但當我一把匙羹插到底潷起紅豆時，我發覺紅豆是暖的，即是說我一定要先把刨冰打散，好讓它分佈到整杯紅豆奶上，才有凍的紅豆吃，而因為紅豆是暖的，所以刨冰好快溶，這樣，我一羹入面就不可能吃到包含紅豆的軟諗、奶的香滑、刨冰的脆那種口感了！有點失落！
不過，同我的要求有落差不代表不好食，正如我之前講，食紅豆冰已經是一種情懷，跟我理想中的一樣當然最好，不然我也會全心全意的食，因為陪著我食的，還有童年的美好回憶。
因為是周未，門外在等位的人不少，初時以為要拿過號碼後四圍閒蕩才可以入座，但派號碼的說十五分鐘可以入座，於是便坐在門外等。雖然都有三兩個操普通話的，但大多是香港人，我想一心過關走水貨的，才對這裡的食物沒興趣，牛肉通？有多稀奇！紅豆冰？咁凍！
因為他們的童年與我們的不同，所以在吃的時候沒有了那份記憶，味道就不一樣。
天花上的吊扇現在只是裝飾，
高懸的餐牌上，大部份的食物傍邊都沒有價錢，不是待價而沽而是「冇得賣」，對呀，現在你想要飲一杯杏仁露並不容易，一來少人叫，就算買一罐杏仁粉回來開水，賣一頭半個月都未必用完，莫講即磨了。
回說我的下午茶。我叫了一杯紅豆冰和一個波蘿油。朋友叫了紅豆冰加牛肉通。寫單時，一時講錯了鮮油多，阿姐落筆之後，覆單之時，我發覺叫錯了，她不慌不忙的說：下次講得清楚尐，落單紙好貴！我聽見她這樣說便很自然的把視線移到那疊環保紙（即後面已經打印過），我想不通這有多貴，但係我喜歡她這種風格，於是我笑笑口說：對唔住囉，咁我要埋鮮油多喇！我相信她未預料我這個反應，正在改單的原子筆在空中停了一秒，然後問我：食唔食得哂咖你！唔係重哂喎！咁我幫你改餐喇。我笑笑口點頭，她又笑笑口落單。我相信那一刻我們兩個都好開心，大家都有一種識英雄重英雄的氣派。
波蘿油先到，接著是鮮油多，是分別以直升機的姿態直落檯面，因為大家坐得太迫，沒有空間好像其他冰室般把油多車過來！波蘿包與多士都頗好食，美中不足的是牛油太細、太薄及太軟，一口咬下去時，吃不出層次，你說如果牛油可以大點、厚點、硬點，一口咬下去時會先感覺到包的軟或多士的脆，再下去是香酥仍硬卻開始溶化的牛油，你說多好！有點可惜。
紅豆冰到了，對，是刨冰，一層紅豆、一層奶上插一個刨冰尖塔。
我吃紅豆冰的習慣是紅豆混刨冰一口一口的吃，但當我一把匙羹插到底潷起紅豆時，我發覺紅豆是暖的，即是說我一定要先把刨冰打散，好讓它分佈到整杯紅豆奶上，才有凍的紅豆吃，而因為紅豆是暖的，所以刨冰好快溶，這樣，我一羹入面就不可能吃到包含紅豆的軟諗、奶的香滑、刨冰的脆那種口感了！有點失落！
不過，同我的要求有落差不代表不好食，正如我之前講，食紅豆冰已經是一種情懷，跟我理想中的一樣當然最好，不然我也會全心全意的食，因為陪著我食的，還有童年的美好回憶。
2014年9月18日 星期四
極光之旅（二十三）閒遊愛沙尼亞的塔林
睡了甜美的一覺後，第二天一早醒來就出發，因為我們下午就走，今天要望彌撒外，還要盡量把城裡的聖堂找出來。另外塔林也有一個風景區要看。
也許昨晚這城鬧得太夜，令在早上九點鐘站在街頭的我，找不到吃早餐的地方。最後，只好去老麥！早上的老麥看起來好像比其他地方的老麥多了一份清靜，但所提供的早餐卻與全球供應著的一樣。
先去望彌撒，是一間希臘天主教會的聖堂，
雖然已有門牌，但並不順號碼，我們在那裡轉來轉去走了不少冤枉路，令本來準時的我，遲了大到。
聖堂出來之後就出跟著地圖把其他宗教的聖堂找出來，但由於都是外文，而有些亦不讓人進入，所以我也只能從外觀猜想是那一教派的教堂。
今早除了看教堂外，亦會去Toompea Hill，由城門那邊（只剩下供人參觀的玻璃路面下顯出來的圍牆腳）一路走，就會到達塔林的最高點，其實並不高卻可將整個塔林盡收眼底。
人不多，沿途很幽淨，亦經過多間大使館，如果不是時間關係，真的可以在這裡坐一天。
是時候回酒店check out了。之後我們從新城那邊走。其實愛沙尼亞是一個高科技的城市，大家用來免費通話的Skype就是在這裡「發明」的。
抄牌呀，快走！
上船了，如果你問我在塔林有遺憾嗎？有呀，那間傳來陣陣洋蔥味，卻時常排著超長人龍的店所賣的湯呀！
喫不到美味的羅宋湯也要醫肚，將就些在船上吃個漢堡吧！
已是行程的第十天，明天便飛哥本哈根了。
也許昨晚這城鬧得太夜，令在早上九點鐘站在街頭的我，找不到吃早餐的地方。最後，只好去老麥！早上的老麥看起來好像比其他地方的老麥多了一份清靜，但所提供的早餐卻與全球供應著的一樣。
先去望彌撒，是一間希臘天主教會的聖堂，
雖然已有門牌，但並不順號碼，我們在那裡轉來轉去走了不少冤枉路，令本來準時的我，遲了大到。
今早除了看教堂外，亦會去Toompea Hill，由城門那邊（只剩下供人參觀的玻璃路面下顯出來的圍牆腳）一路走，就會到達塔林的最高點，其實並不高卻可將整個塔林盡收眼底。
 |
| 遠處見高樓大廈的是新城區 |
是時候回酒店check out了。之後我們從新城那邊走。其實愛沙尼亞是一個高科技的城市，大家用來免費通話的Skype就是在這裡「發明」的。
 |
| 這是它們的的士 |
上船了，如果你問我在塔林有遺憾嗎？有呀，那間傳來陣陣洋蔥味，卻時常排著超長人龍的店所賣的湯呀！
喫不到美味的羅宋湯也要醫肚，將就些在船上吃個漢堡吧！
 |
| 薯條其實幾好食 |
2014年9月16日 星期二
極光之旅（二十二）愛沙尼亞的古城塔林
 |
| 這個方向來的電車才是去碼頭的。 |
車票可在車站買，不需預訂。
大概20分鐘就到達碼頭。
這裡其實有好幾間船公司的航班可供選擇，但以出發時間及船的質素計，Tallink Silja Line的最好，但當然價錢也最貴，兩三小時的航程，來回船票是90歐羅一個人。船票也可到碼頭才買，但記得帶passport，因為這次是進入另一個國境。
這裡其實有好幾間船公司的航班可供選擇，但以出發時間及船的質素計，Tallink Silja Line的最好，但當然價錢也最貴，兩三小時的航程，來回船票是90歐羅一個人。船票也可到碼頭才買，但記得帶passport，因為這次是進入另一個國境。
 |
| 座位不少，但好的不多，攻略是趕在其他人前不住的向上走。 |
上岸後，跟著人群走或出碼頭向左一直望著堡壘走就是，一入到古城，你就見到麥記，有點格格不入！貪得意訂了Old House Apartment，這是把舊屋翻新作為旅館用，所以如果你們人多又或幾個家庭想住在一起就要早響，不然有機會分別住進相隔幾十分鐘路程的舊建築物內。
另外如果膝關節有問題也要三思，以我住的那間為例，因為在閣樓，上一次樓梯就是99級，一天上落兩次已是我一個月的總和！但除了有特色外，房價也相對便宜。
 |
| 這升降機只供拍照，並不運作！ |
 |
| 這盤羊肉，非常酥軟美味，23歐羅。 |
 |
| 這羅宋湯與麵包，5歐羅，不單好味亦飽肚。 |
行呀行的又是晚飯時份，四周圍都是餐廳，有的空無一客，有的坐滿了人，而今次也是跟著鼻子走，我是跟著那濃濃的蒜味走，原來是一間甚麼都混有蒜的餐廳。
人很多呢，要等一個小時才有位，反正我們還未行完古城，於是決定等。
上餐廳的第一件事是把大衣交給門房小姐掛好，這在很多外國大餐廳均有的安排，但這裡的另一個原因是為了避免大衣沾上陣陣蒜味！
先來一杯蒜味啤酒，不錯，蒜味不算太濃，比想像中清香。
 |
| Cheers! |
 |
| Tallin的麵包都很美味！ |
主菜是牛，水準平均，點睛的是那焗蒜頭，蒜味很濃，都變了蒜泥，入口即化。
最後，必試的是蒜泥雪糕，並不抱太大祈望，但吃過之後才知甚麼叫齒頰留香！
不便宜的一餐，但難得一次全蒜餐又都很好味，出外旅行，有時也不能太計較。抱著肥大的肚皮，帶著回甘的味蕾，我在手機內重溫華燈初上的古城，正！
訂閱：
文章 (Atom)