嘉嘉航空，極光之旅（五）極光初遇

上回講到我在赫爾辛基閒蕩了一個下午便返回機場，一來天色在三點已開始轉暗，另外我北上之後會返赫爾辛基至仔細遊覽都未遲。

返到機場，會搭晚上2015的航班，由赫爾辛基飛往Tromso，全程兩小時，你會說，哇，到得酒店不是零晨了！不，一來赫爾辛基與Tromso有時差，我們會在當地時間2115到；另外要看極光就一定是越夜越美麗，所以夜絕對不是問題。

航班坐滿了人，但很多乘客都沒有寄倉行李，所以落機我很快便拿了行李並出了海關，內陸機基本上冇人會查你。之後跟著指示牌又去坐芬蘭航空的巴士，因為它途經我住的酒店，非常方便。係呀，訂酒店嘅時候，有乜嘢交通工具可以到都係非常重要嘅考慮原因，本來想揀一間近海邊嘅，但係海邊嘅酒店一間裝修中，真係請你都要諗過，另一間當然就係客滿喇，所以只好退而求其次，揀咗間喺半山嘅，但係行落海邊都係幾分鐘嘅事。點解我咁鍾意海邊？一來海邊景致當然好尐，另外我第二晚要上郵輪，方便尐呀嘛，不過而家冇都冇所謂。

講返搭巴士先，安置好行李，就上巴士俾車錢，身上只有歐羅，應該通行啩，怎知司機不斷的說：克郎、克郎，只收克郎！我嚇得眼也大了，我真的沒有挪威克郎，而巴士又快要開出了，更慘的是：這是最後一班車！司機可能見得我地呢類人多，指指下面正在搬行李的助手，我立即下去找他，以為他可以幫我換錢，但他沒有，他叫我行返入去機場的櫃員機提款，嘩，都成200公呎，我說請等埋我才開車，他笑笑點頭，相信他一年見類似我的大頭蝦不少。

於是我以三十秒九的速度跑去櫃員機提款，再以五十秒九的速度回到車上，我是最後一個上車的乘客，真抱歉！車程不長，也不過是三十分鐘之內，而中間還停了兩三個站。巴士就停在我住的酒店的下一條街，別以為好遠，行大概三分鐘已到門口，簡單登記過後便上房，放下行李，都真係成11點幾喇，出唔出去呢？出，梗係出喇，激光越夜越美麗吖嘛，而且睇得一晚得一晚，睇得越多越有賺！鎖好行李、換過雪靴便又出發去找極光。

Tromso其中一個景點就係教堂。這麼晚，教堂已經關門，於是我在門外祈禱，希望可以見到極光。

「喂，這是不是極光。」朋友問。我朝著他指的方向望去，有一塊綠色的東西在空中飄蕩，時近時遠，我說：「不是罷，那有這麼神！」之後只見那片綠光慢慢的揚開來，越來越大片，呀，很美麗，我們一齊說，這應該是極光呀！心中慚愧，完來我是個小信德的人！

在教堂外燈光火著的地方都見到極光，今晚的極光度應該很高。二話不說，一路向海邊行，地上的雪早給磨成了冰，但我在上面行走自如，沿路不斷抬頭尋找極光的蹤影，感覺愉快。去到海邊，向對面山一望，咦，淡綠色大大的一塊，那是不是極光呀，再看清楚，原來只是山的勾影，但也很神秘而誘人！再往左邊看，嘩，只見一大片綠色的物質在飄呀飄的越飄越大塊，但奇怪，它飄下飄下，我心諗，它會飄到多大塊呢？正在等它再飄大尐，怎知它又可以忽然消失！之後又抬頭放眼空中繼續搜尋，頸很攰，但興致高昂！

然後我見到我朋友頭頂有一點綠色，唔係佢頂帽，係極光呀，之後它又飄呀飄的，越飄越闊，到後來，好像一把羅傘般旋轉，似乎越轉越接近我地，我正在幻想它把我覆蓋；它又轉眼消失得無影無縱，這才明白可望而不可即的意思！

你也許會說，拍照呀，不就可以把它留在影象中了嗎！對不起，我只帶了iPhone，影到的也只是一片黑。也好，俾個藉口自己再去！

在戶外少說已有兩小時，雖然身體很暖但面吹得有點冷，而極光也不再如前般洶湧，便打道回酒店。Tromso真不負北歐巴黎之稱，零晨一點有多了，街上仍很熱鬧，酒吧門外仍有人在抽煙。回酒店也不上房，就在下面的餐廳隨便吃點宵夜。

回到房間，再累也要沖沖身，畢竟上一次沖涼已是24小時前。咦，行李篋又打不開！呢次我有經驗喇，行落櫃檯問佢借螺絲批，咁大間酒店唔係螺絲批都冇呀！