回程我由新城果邊行，冇乜特別，好似行緊冇乜人嘅彌敦道咁唧！返返碼頭也是坐郵輪。回到赫爾辛基，我知道很多朋友會選擇即時轉往另一個地方玩，但我當初設計行程時，我擔心自己不適應北歐的氣候，所以沒有在回到赫爾辛基之後直飛下一個目的地，而是先在赫爾辛基停留一晚。在酒店取回行李並check in後已經後晚，又要搵食了。沒有特別的安排，只是隨心的在街上找找吃的地方。就在酒店轉角不遠處見有一間餐廳叫做Vapiano頗多人出入，又是那個人龍原理，於是我們又走入去八一八。
環境很像我們香港的Simply Life，但它樓上還有一層是賣酒的，前面有一列open kitchen，自己行埋去點菜，而食物則即時在你面前煮，還有一個好處，就是不會限你個半小時內交檯！
進食的氣氛很好，謂了意粉、蕃茄湯和pitabread，味道也不差，算是對得自己住的一餐，亦過了一個很hea的晚上。
第二天吃過早餐，隨便在附近走走便坐巴士去機場。去到機場又是吃午餐的時候。赫爾辛基境內有這間連鎖快餐店叫Picnic，當你找不到甚麼好吃，又或只想速戰速決，這就是最好的地方。它的食物不算最好吃，但勝在多選擇，由沙律到湯到麵包主菜甜品，通通都有，而且主食（例如飯、麵、麵包之類）都是熱的。還有，在歐洲最貴的是水，一瓶350毫升的水可以收你5歐羅！但這裡的水，冷或熱都是任斟的。
在這一站的機場內，我有一個奇遇。就在我們由Picnic買完食物，並在一傍坐下，正自很投入地回憶過去的行程，並不時諸多意見時，我已經留意到坐在隔兩張枱的一個印度女孩子，不停的望向我們。我最初以為自己講嘢大聲，而呢個時間嘅機場比較靜，嘈親人，於是即刻收掣，以免有辱國體喇，點知我真係細聲到差尐連對面嘅朋友都聽唔到時，佢都重係咁望下望下我地，咁我身在異地，人就梗係會小心尐，開始將尐行李拉近尐自己，怕遇上機場老鼠喇！
點知正在我緊緊張張之際，佢竟然地身，重向住我行過嚟！嘩，乜事，想明搶！我係咁望住佢。只見佢一路行埋嚟，一路笑住，又唔似搶嘢喎，唔通我識嘅？會唔會係我中學同學呢？果時都有幾個印度人喎。佢嚟到我張枱，好友善咁問，你地係咪香港人呀？嘩，好標準嘅廣東話呀！我地話，係呀，你呢？原來佢細細個就跟屋企人由印度去咗香港，喺香港長大、喺香港讀書並且做過一段時間嘢，後來爸爸媽媽都唔喺度，佢就跟咗佢哥哥嚟咗赫爾辛基。
問佢鍾唔鍾意呢度，佢話有工做都幾好，不過太凍。跟住佢話好耐冇聽過廣東話，好想返香港，但係應該冇乜機會！聽落真係有尐心酸，我為免佢太傷感，扯開咗話題。傾咗一陣，都係時候我要上機喇，大家講拜拜嘅時候都好似有尐依依不捨！萍水相逢，本來已經唔記得有呢件事，但係今日因為要做嘉嘉航空而令我諗番起呢件事，亦實在始料不及！希望佢一切安好，亦祝福所有唔係自願而離開別井嘅人，到最後都可以落地生根！
轉眼已飛到哥本哈根。這個機場很有趣，熱鬧到不得了。出境入境都是同一處，都滿是酒吧，都坐滿人，不知道還以為去了那條酒吧街！走錯方向並不困難，當然去到關鍵時刻你會知道你是走錯方向的！而在你入境之後，則很清楚你人在哥本哈根，因為一大塊牌在提行李處等著你，讓你知道你進入了這個啤酒之都。
我們住的酒店近火車站，放下行李後天色已不早了，到附近的地方走走，順便填肚！見有一間賣牛扒的生意不錯，於是又走入去碰碰運氣。雖然是一間賣牛扒的店，但見左右都點了豬肋骨，我們也入鄉隨俗，我們兩人叫一份，那寫單的看來有點不以為然，但看份量我們的選擇是對了，而傍邊兩桌的人，各自叫了一份都也是打包收場。
而既然來到這個啤酒之都，也點都要啤啤佢。
晚飯後，也不四圍走，回酒店休息，反正在這裡有多天的時間，不急！
沒有留言:
張貼留言