經過三小時的航程，終於到達Tallin。上岸並出閘後，跟著人群走或出碼頭向左一直望著堡壘走就是，行得慢的話，也不過十五分鐘路程，沿途空氣清新，風光如畫，時間很快過。當你望著古堡前行時，腦海中多數會幻想一下那個地方的樣子，所以當我一入到古城，第一眼見到的竟是麥記時，真覺得有點格格不入，亦不期然會說句，乜咁掃興㗎！不過呢間老麥都唔係一無是處，遲尐再講。
入到古城，我地跟住訂咗嘅住宿嘅指引，去到接近高處嘅一個地牢。好似講得咁神秘咁！係呀，我將會住呢個地方係幾神秘㗎，佢神秘在你唔知即將會住果個地方係點樣嘅！因為我貪得意訂走去訂咗間Old House Apartment嚟住，這是把舊屋翻新作為旅館用，價錢一尐都唔貴，但係如果你們人多又或者幾個家庭想住埋一間屋就要早響，不然有機會分別住進相隔幾條街，即係隨隨便便都要行幾十分鐘矩離嘅舊建築物內。
原來都好多人鍾意住呢尐舊屋，所以剩係等登記都等咗成半粒鐘，當然，呢個亦都同服務員嘅滋油度有關！我被編配去K8號屋，個服務員叫我等一陣，會有人帶我去果間屋果度！咁又係，雖然呢個古城唔算大，並且我都有果間屋嘅門牌號碼，但係要我自己盲摩摩去搵，都真係天光都唔知搵唔搵到。
等咗唔夠五分鐘，就有個妹妹仔出現，我唔係以老賣老呀，佢真係妹妹仔呀，望上去俾盡佢十五歲，慢下手冇添，不過呢個唔關我事，佢帶倒我去目的地就得嘞！或者呢度可以用童工呢，或者佢係屋主個女呢，或者…當我諗下諗下嘅時候，開始有尐索氣，原來係上緊斜路，心諗好彩只係帶咗個小背囊，如果係拖行李，就真係死得！所以出外旅行，幾時帶乜野行李係要事先計劃好，唔係到時至諗又或者唔諗，去到邊度都拖住件大行李就好失禮喇！
終於嚟到我地住嘅呢座舊屋，嘩，真係好型！一入到去就見一座好古舊嘅升降機，嘩，正呀！正想㩒lift，個女仔終於出聲，佢話唔好坐lift，唔安全！噢，原來只係道具。咁唯有行喇，最多唔去頂樓玩囉。轉咗個彎見到有條樓梯，上咗一層，至知原來唔係成間屋係我嘅，咁我順口問個女仔，我住邊層，佢話頂樓！嗄，咁大整估！
我都呢一刻至知我原來係住K呢間樓嘅8號房！咁又係，你俾雞碎咁多房租，想住人成幢屋，貪心咗尐囉。繼續向上行，又一次要讚自己，如果拖住個篋，我真係會將個篋就咁放喺地下果層算喇，因為我運送我自己呢個110磅身驅上頂樓都行到氣噓氣喘！
終於上到我間房喇，真係冇乜心機睇間房住，搵張凳坐低透番順條氣先。個女仔都冇我咁好氣，嘰嘰咕咕一輪叫做介紹過下間房嘅設施之後，就走人。講真，除咗間屋嘅外觀，呢度其實冇乜特別，因為間房已經俾佢裝修到唔係好睇得出古舊痕跡，但係好寬敞潔淨就真，貪得意住下冇所謂，但係亦都唔係個個可以住，呢個同錢無關，正如我先前講，佢嘅收費其實幾平，但係如果有老人家就要搵其他地方，又如果膝關節有問題也要三思，以我住的那間為例，因為在閣樓，上一次樓梯就是99級，一天上落兩次已是我喺香港行一個月樓梯嘅總和！所以呢尐特色戶，玩下就好，日日住真係會玩殘自己，不過亦都可能係我人少，相信一班人住就會有機會住一間古老大宅嘅！
唔理喇，休息一陣就出外醫肚喇！
入到古城，我地跟住訂咗嘅住宿嘅指引，去到接近高處嘅一個地牢。好似講得咁神秘咁！係呀，我將會住呢個地方係幾神秘㗎，佢神秘在你唔知即將會住果個地方係點樣嘅！因為我貪得意訂走去訂咗間Old House Apartment嚟住，這是把舊屋翻新作為旅館用，價錢一尐都唔貴，但係如果你們人多又或者幾個家庭想住埋一間屋就要早響，不然有機會分別住進相隔幾條街，即係隨隨便便都要行幾十分鐘矩離嘅舊建築物內。
原來都好多人鍾意住呢尐舊屋，所以剩係等登記都等咗成半粒鐘，當然，呢個亦都同服務員嘅滋油度有關！我被編配去K8號屋，個服務員叫我等一陣，會有人帶我去果間屋果度！咁又係，雖然呢個古城唔算大，並且我都有果間屋嘅門牌號碼，但係要我自己盲摩摩去搵，都真係天光都唔知搵唔搵到。
等咗唔夠五分鐘，就有個妹妹仔出現，我唔係以老賣老呀，佢真係妹妹仔呀，望上去俾盡佢十五歲，慢下手冇添，不過呢個唔關我事，佢帶倒我去目的地就得嘞！或者呢度可以用童工呢，或者佢係屋主個女呢，或者…當我諗下諗下嘅時候，開始有尐索氣，原來係上緊斜路，心諗好彩只係帶咗個小背囊，如果係拖行李，就真係死得！所以出外旅行，幾時帶乜野行李係要事先計劃好，唔係到時至諗又或者唔諗，去到邊度都拖住件大行李就好失禮喇！
終於嚟到我地住嘅呢座舊屋，嘩，真係好型！一入到去就見一座好古舊嘅升降機，嘩，正呀！正想㩒lift，個女仔終於出聲，佢話唔好坐lift，唔安全！噢，原來只係道具。咁唯有行喇，最多唔去頂樓玩囉。轉咗個彎見到有條樓梯，上咗一層，至知原來唔係成間屋係我嘅，咁我順口問個女仔，我住邊層，佢話頂樓！嗄，咁大整估！
我都呢一刻至知我原來係住K呢間樓嘅8號房！咁又係，你俾雞碎咁多房租，想住人成幢屋，貪心咗尐囉。繼續向上行，又一次要讚自己，如果拖住個篋，我真係會將個篋就咁放喺地下果層算喇，因為我運送我自己呢個110磅身驅上頂樓都行到氣噓氣喘！
終於上到我間房喇，真係冇乜心機睇間房住，搵張凳坐低透番順條氣先。個女仔都冇我咁好氣，嘰嘰咕咕一輪叫做介紹過下間房嘅設施之後，就走人。講真，除咗間屋嘅外觀，呢度其實冇乜特別，因為間房已經俾佢裝修到唔係好睇得出古舊痕跡，但係好寬敞潔淨就真，貪得意住下冇所謂，但係亦都唔係個個可以住，呢個同錢無關，正如我先前講，佢嘅收費其實幾平，但係如果有老人家就要搵其他地方，又如果膝關節有問題也要三思，以我住的那間為例，因為在閣樓，上一次樓梯就是99級，一天上落兩次已是我喺香港行一個月樓梯嘅總和！所以呢尐特色戶，玩下就好，日日住真係會玩殘自己，不過亦都可能係我人少，相信一班人住就會有機會住一間古老大宅嘅！
唔理喇，休息一陣就出外醫肚喇！
沒有留言:
張貼留言