塔林，Tallin是波羅的海最內部的芬蘭灣濱的愛沙尼亞共和國的首都。位於愛沙尼亞北海岸，離北方對岸的芬蘭赫爾辛基約80km。人口約42萬。2011年當選歐洲文化之都。舊城是列入世界遺産名錄的『塔林歷史城區』。「塔林」在愛沙尼亞語中有「丹麥人之城」的意味。
我們住的酒店非常近火車站，又去火車站！你問。唔係，我今次係去火車站對面個電車站坐車去碼頭，再搭船去Tallin。喺酒店check out並寄存行李後，只帶輕便背囊及替換衣物一套便出發。行到火車站再過馬路就是往碼頭的電車站，搭9號車就可到碼頭。留意，兩邊都有9號車站，自己留意唔好搭錯對面果架車，去錯方向呀，當然，出外旅行，多口問句係冇所謂嘅，我嘅經驗係絕大部人都樂意答你嘅問題，除非佢唔識英文又或者佢唔知你講緊英文啫！
電車票唔駛預訂，去到車站至買，十分方便。電車亦有時間表，酒店未必知，但係如果你住果度都近電車站，可以事先行過嚟check下，如果唔係當日去到巴士站至睇都得，反正係遊客，慢慢等唔駛急。不過如果你好似我咁要夾船期，就要事先查哂時間喇。
冇幾耐車就到喇，呢部車都幾多人坐下㗎，不過中間都會有人上落車，所以企企下就會有位坐，但係如果見到有需要人仕，你真係要讓座，唔可以好似香港咁耷低頭扮睇唔到，咁做係好失禮嘅！
冇幾耐車就到喇，呢部車都幾多人坐下㗎，不過中間都會有人上落車，所以企企下就會有位坐，但係如果見到有需要人仕，你真係要讓座，唔可以好似香港咁耷低頭扮睇唔到，咁做係好失禮嘅！
車程穩定，大概20分鐘就到達碼頭。
這裡其實有好幾間船公司的航班可供選擇，但以出發時間及船的質素計，Tallink Silja Line嘅就最好，但當然價錢也最貴，兩三小時的航程，齋坐冇飲冇食，來回船票是90歐羅一個人，成千蚊港幣。船票也可到碼頭才買，但記得帶passport，因為這次是由芬蘭進入愛沙尼亞，係另一個國境。
嘩，重要等成粒鐘至上船，於是去果間免稅品店逛下，睇下有乜好買，你聽到我把聲，都知唔慌吸引。以日用品為多，或者係愛沙尼亞人乘機買番屋企，不過愛沙尼亞一尐都唔落後，我地早年成日用嚟同外國朋友講視像電話嘅Skype，就係果度發明嘅，不過而家大家都唔用佢就亦都係事實。
終於可以開始上船喇。嘩，點解忽然間咁多人㗎，原來有尐係汽車客，即係好似我地細個嘅油麻地小輪咁，係可以俾車駛埋上去，，嘩，點解行極都未上到隻船，究竟要行幾耐呀！終於上到船喇！當其他客人喺度阿芝阿佐揀位嘅時候，我二話不說，同朋友雞咁腳不停咁上樓上樓再上樓，因為我知道一定要走在佢地嘅前面，我跟住果3個小時先至有好日子過。
果然，當佢地諗緊坐窗口位好，定係坐船艙位好嘅時候，我已經以9秒9嘅速度，走到最頂層，其實果度都已經有唔少人，但係隻船係好大嘅，所以我都搵到一個中間位置，望住個玻璃船頭，你都咪話唔好景！
這裡其實有好幾間船公司的航班可供選擇，但以出發時間及船的質素計，Tallink Silja Line嘅就最好，但當然價錢也最貴，兩三小時的航程，齋坐冇飲冇食，來回船票是90歐羅一個人，成千蚊港幣。船票也可到碼頭才買，但記得帶passport，因為這次是由芬蘭進入愛沙尼亞，係另一個國境。
嘩，重要等成粒鐘至上船，於是去果間免稅品店逛下，睇下有乜好買，你聽到我把聲，都知唔慌吸引。以日用品為多，或者係愛沙尼亞人乘機買番屋企，不過愛沙尼亞一尐都唔落後，我地早年成日用嚟同外國朋友講視像電話嘅Skype，就係果度發明嘅，不過而家大家都唔用佢就亦都係事實。
終於可以開始上船喇。嘩，點解忽然間咁多人㗎，原來有尐係汽車客，即係好似我地細個嘅油麻地小輪咁，係可以俾車駛埋上去，，嘩，點解行極都未上到隻船，究竟要行幾耐呀！終於上到船喇！當其他客人喺度阿芝阿佐揀位嘅時候，我二話不說，同朋友雞咁腳不停咁上樓上樓再上樓，因為我知道一定要走在佢地嘅前面，我跟住果3個小時先至有好日子過。
果然，當佢地諗緊坐窗口位好，定係坐船艙位好嘅時候，我已經以9秒9嘅速度，走到最頂層，其實果度都已經有唔少人，但係隻船係好大嘅，所以我都搵到一個中間位置，望住個玻璃船頭，你都咪話唔好景！
沒有留言:
張貼留言